საქართველოს პარლამენტის თავმჯდომარე ირაკლი კობახიძე, რომელიც ამერიკის შეერთებულ შტატებში ვიზიტით იმყოფება, სენატორ კორი გარდნერს შეხვდა.
შეხვედრაზე საუბრის მთავარი თემა ამერიკის შეერთებული შტატების კონგრესში წარდგენილი საქართველოს მხარდამჭერი ორპარტიული კანონპროექტი და კონგრესმენების მიერ ინიცირებული ორპარტიული წერილი იყო, რომლითაც კონგრესის წევრები აშშ-ს სავაჭრო წარმომადგენელს საქართველოსთან თავისუფალი ვაჭრობის შესახებ შეთანხმების გაფორმებისკენ მოუწოდებენ.
მხარეებმა ხაზგასმით აღნიშნეს ორმხრივი ურთიერთობის გაღრმავების საქმეში სავაჭრო-ეკონომიკური თანამშრომლობის გაფართოების მნიშვნელობა.
სენატორის განცხადებით, ამერიკის შეერთებული შტატების სენატში საქართველოს სუვერენიტეტსა და ტერიტორიულ მთლიანობას, ისევე, როგორც ჩვენი ქვეყნის ევროპულ და ევროატლანტიკურ მისწრაფებებს მტკიცე ორპარტიული მხარდაჭერა აქვს.
მისივე თქმით, საქართველო, რომელმაც ბოლო წლებში შთამბეჭდავ პროგრესს მიაღწია, აშშ-ის მნიშვნელოვანი სტრატეგიული პარტნიორი და სანდო მოკავშირეა, რასაც, როგორც სენატორმა აღნიშნა, მისი ქვეყანა განსაკუთრებულად აფასებს.
ინფორმაციას საქართველოს პარლამენტი ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.