ზურაბ პატარაძის აჭარის მთავრობის თავჯდომარის თანამდებობის დატოვებას სოციოლოგი ვალერიან გორგილაძე აფასებს და აცხადებს, რომ ეს ლოგიკური პროცესია.
„ქვეყანაში მიმდინარე საკადრო ცვლილებების ფონზე, როდესაც ხდება მინისტრთა კაბინეტის ფორმირება, ეს პროცესი აბსოლუტურად ლოგიკურია, რათა პრემიერ მინისტრმა თვითონ შეძლოს გადაწყვეტილების მიღება საკადრო გადაადგილებებსა და საკადრო რესურსის გადანაწილებასთან დაკავშირებით“, აცხადებს ვალერიან გორგილაძე.
მისი თქმით, მთავარი პასუხისმგებლობა პრემიერ მინისტრს ეკისრება და აღმასრულებელი ხელისუფლება რეგიონებშიც უნდა ექვემდებარებოდეს პრემიერს.
„ბუნებრივია, რომ პრემიერ მინისტრს ეკისრება მთავარი პასუხისმგებლობა და აღმასრულებელი ხელისუფლება რეგიონებშიც უნდა ექვემდებარებოდეს პრემიერ მინისტრს. ამ თვალსაზრისით, მას სრული კარტ-ბლანში უნდა ჰქონდეს საკადრო პოლიტიკის განხორციელებაში. ამდენად, თუ ამ ლოგიკას მივყვებით, ჩემი აზრით, მოსალოდნელია საკადრო გადაადგილებები სხვა რეგიონებშიც და განსაკუთრებით ეს ალბათ გუბერნატორებს შეეხება“, განაცხადა ვალერიან გორგილაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.