აშშ-ის თავდაცვის მდივანმა ბარაქ ობამას პრეზიდენტობისას, ჩაკ ჰეიგელმა განაცხადა, რომ იგი წუხს, რადგან ტრამპსა და პუტინს შორის ერთი-ერთზე შეხვედრის გამართვის მკაფიო „სტრატეგიული მიზანი“ არ არსებობდა.

„რა არის მიზანი?“ იკითხა ყოფილმა „რესპუბლიკელმა“ სენატორმა, ჰეიგელმა ორშაბათ დილით.

„მოდით, გავიგოთ ერთი რამ: ნებისმიერი სახელმწიფოს ინტერესები გაცილებით დიდია, ვიდრე ნებისმიერი ცალკე აღებული ლიდერის“, უთხრა ჰეიგელმა რადიო NPR-ს ორშაბათ დილით. „ამერიკის ინტერესები არ არის ის ინტერესები, რომლის ფორმულირებასაც ტრამპი ახდენს ან რასაც ტრამპი გადაწყვეტს, რომ ის არის პრიორიტეტული ან სპეციფიკური ინტერესი, ანდა ფიქრობს, რომ ესაა - ან ამბობს, რომ ესაა“.

როგორც ბრიტანული „გარდიანი“ წერს, ჰეიგელმა განაცხადა, რომ იგი მხარს უჭერს მსოფლიო სახელმწიფოებთან ურთიერთობებში ჩართულობას, მაგრამ ეს შეხვედრები „ყველა სტრატეგიული მიზნის“ შემცველია.

„რა არის ამის მიზანი? არის ეს მხოლოდ გოლფის მოედანზე შეხვედრა მორიგ ლიდერთან? იკითხა ჰეიგელმა. „ეს არ არის ტრანზაქციული საკითხი, უძრავი ქონების გარიგების მსგავსი... ამისათვის უნდა ახლდეს მომზადება“.

NPR-ის შეკითხვაზე, თუ რას მოელის ამ შეხვედრიდან იგი - ჰეიგელმა განაცხადა, რომ ტრამპი ამ შეხვედრაზე „ძალიან შესუსტებული წავიდა, რადგან მოკავშირეები, ისევე როგორც ქვეყანა დაყოფილია“.