პრეზიდენტობის დამოუკიდებელმა კანდიდატმა, სალომე ზურაბიშვილმა ხელმოწერების შეგროვება დაიწყო. მას 26 ათასამდე ხელმოწერა უნდა ჰქონდეს საპრეზიდენტო არჩევნებში მონაწილეობისთვის. ზურაბიშვილი აცხადებს, რომ მმართველი გუნდის მხარდაჭერის იმედი აქვს, რადგან მას „ქართულმა ოცნებამ“ მთაწმინდის მაჟორიტარული ოლქი დაუთმო საპარლამენტო არჩევნების დროს. დამოუკიდებელი კანდიდატის თქმით, მმართველმა გუნდმა რომც არ დაუჭიროს მხარი, ის ბოლომდე იბრძოლებს.

„მე უნდა აბსურდული რამე ვთქვა, რომ თუ კი უმრავლესობის მხარდაჭერა არ ექნება ჩემს კანდიდატურას ეს არ იმოქმედებს იმ მოსახლეობაზე, რომლის უმრავლესობა მათ უჭერს მხარს, ანუ ეს არის ერთი და ერთი.  მაინც მაქვს იმედი ამ მხარდაჭერის. ორი სხვადასხვა რამე არის: ერთი შენი გადაწყვეტილების მიღების მიზეზი და მეორე, რომ ამ გადაწყვეტილების პროცესში შენ იყო რეალისტი და უყურებდე რა ხდება ქვეყანაში და ვის იმედად შეიძლება იყო. მე რომ ვერ ვიქნები სხვა პარტიების იმედით, ეს ფაქტია არის. მოსახლეობაში უმრავლესობა არის ერთი პარტიის მხარდამჭერი, მეც ამ პარტიას დავუჭირე გარკვეულწილად მხარი წინა პერიოდში, მან დამითმო მაჟორიტარის ადგილი მთაწმინდაზე და ამიტომ მე ძალიან ბუნებრივად მაქვს იმედი, რომ ეს პარტია დღესაც გარკვეულწილად მხარს დამიჭერს, მაგრამ ჩემი გადაწყვეტილება მაინც არის დამოუკიდებელი, ამ იმედზე არ არის მხოლოდ დაფუძნებული, რაც არ უნდა მოხდეს და დანარჩენი მათ უნდა ჰკითხოთ. რაც არ უნდა მოხდეს, მე ბოლომდე გავალ ამ კანდიდატურით და არ დავიხევ უკან“, განაცხადა სალომე ზურაბიშვილმა.