საქართველოს ნატოში სწრაფ გაწევრიანებას ვერ ვხედავ - ყოველ შემთხვევაში გერმანიის პოზიცია ასეთი დარჩება, განაცხადა გერმანიის კანცლერმა ანგელა მერკელმა თბილისის სახელმწიფო უნივერსიტეტში სტუდენტებთან შეხვედრისას.
„გულწრფელად რომ გითხრათ, ჩვენ უნდა ვიყოთ გახსნილი. საქართველოს ნატოში სწრაფ გაწევრიანებას ვერ ვხედავ. სწორედ ამ კონტექსტში, აფხაზეთის და სამხრეთ ოსეთის კონტექსტში, ჩემი აზრით სწრაფ გაწევრიანებაზე ვერ ვისაუბრებთ. ყოველ შემთხვევაში, გერმანიის პოზიცია ასეთია, ასეთი დარჩება, მიუხედავად იმისა, რომ ნატო-ს ბოლო სამიტზე დამტკიცდა ნატო-საქართველოს პაკეტი. დღეს მე შევხვდები გერმანელ ჯარისკაცებს, რომლებიც წვრთნებში იღებდნენ და იღებენ მონაწილეობას ქართულ შეიარაღებულ ძალებთან ერთად... გერმანია და საქართველო ერთობლივად მოქმედებენ ავღანეთში. საქართველო იღებს მონაწილეობას ნატო-ს გარკვეულ მისიებში და ევროკავშირისა და ნატოს მიმართულებით ნელ-ნელა ყველაფერი ახლოვდება და ნელ-ნელა ყველაფერი იზრდება“, განაცხადა მერკელმა, რომელმაც მანამდე დასმული შეკითხვის, - რა პერსპექტივა აქვს საქართველოს ევროკავშირში გაწევრიანების მხრივ? - ასე უპასუხა:
„ძალიან გახსნილად მინდა ვთქვა. მე მიხარია და მხარს ვუჭერ საქართველოს ევროპულ ამბიციებს, ამიტომ არსებობს ასოცირების შეთანხმება, ამიტომ არსებობს თავისუფალი ვაჭრობა მაგრამ ევროპული მხრიდნ ძალიან სწრაფ და ნაჩქარევ დაპირებებს ვერ მოგცემთ. ეს ნიშნავს, რომ ერთი მხრივ, ქვეყანა, რომელიც არის გაწევრიანების კანდიდატი, ის უნდა ასრულებდეს გარკვეულ პირობებს და მეორე, ევროკავშირს უნდა შესწევდეს უნარი ახალი ქვეყნების მიღებისა. დღესდღეობით ევროკავშირში გაწევრიანების პროცესში დასავლეთ ბალკანეთის ქვეყნები გვყავს პერსპეტივაში. ინსტიტუციონალურად შრომისუნარიანობა უნდა არსებობდეს. იცით, რომ დიდი ბრიტანეთი დატოვებს ევროკავშირს და ბალკანეთის ქვეყნების გაწევრიანების შემდეგ ალბათ გახდება 35; უფრო ქმედითი და მოქნილი სისტემა უნდა არსებობდეს, როგორ შეიძლება უფრო ძლიერად პოლიტიკის აწყობა, განსაკუთრებით ევროპული უსაფრთხოების სივრცის მხრივ.
საქართველო და უკრაინა იქნება შემდგომი რგოლი, მათი გამოკვეთილი ევროპული პერსპექტივიდან გამომდინარე. ჯერჯერობით არ არის საუბარი გაწევრიანებაზე. არიან ადამიანები, რომელთაც უნდათ ლეგალური საქმიანობა და ცხოვრება ევროპაში და ნელ-ნელა ეტაპობრივად მივიდეთ საუბარზე, უბრალოდ საუბარზე, რომ ვისაუბროთ გაწევრიანებაზე. მე ვერ ვიტყვი, რომ 5 წელიწადში ეს პროცესი დასრულდება. თუმცა ჩემი ვიზიტის მიზანია ამაზე გახსნილად საუბარიც“, განაცხადა მერკელმა თბილისის სახელმწიფო უნივერსიტეტში, ერთ-ერთი სტუდენტის საპასუხოდ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.