უკრაინის ეროვნული უშიშროების და თავდაცვის საბჭომ ორშაბათს ხმა მისცა ქვეყნის ტერიტორიაზე 60 დღით საომარი მდგომარეობის გამოცხადებას.
საომარი მდგომარეობის შესახებ საბჭოს მდივნის ალექსანდრ ტურჩინოვის წინადადებას მხარი უკრაინის პრეზიდენტმა დაუჭირა.
პეტრო პოროშენკომ მოუწოდა უმაღლესი რადას დეპუტატებს საომარი მოქმედებების დაწესების შესახებ საკითხი ორშაბათს დახურულ სხდომაზე განიხილონ.
სხდომა, რომელმაც აღნიშნული საკითხი უნდა განიხილოს ადგილობრივი დროით 16:00 საათზე არის დანიშნული.
BBC-ის ცნობით, რუსეთის ძალებმა ცეცხლი გაუხსნეს და შეიპყრეს უკრაინული საზღვაო სატრანსპორტო საშუალებები ყირიმის ნახევარკუნძულთან, რა დროსაც დაზიანებები მიიღო უკრაინული ეკიპაჟის რამდენიმე წევრმა. ინციდენტის ამგვარ განვითარებაში კი ორივე ქვეყანა ბრალდებებს ერთმანეთს უყენებს.
როგორც BBC იუწყება, კრიზისი მაშინ დაიწყო, როცა რუსეთმა ბრალი დასდო უკრაინულ გემებს მის ტერიტორიულ წყლებში არაკანონიერად შესვლაში.
რუსებმა ტანკერი ქერჩის სრუტეში ხიდის ქვეშ განათავსეს. აზოვის ზღვაში შესვლა კი, რომელიც საზიაროა ორივე ქვეყნისთვის, მხოლოდ აღნიშნული მარშრუტით არის შესაძლებელი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.