სენაკისა და ჩხოროწყუს მიტროპოლიტმა, საქართველოს კათოლიკოს-პატრიარქის მოსაყდრემ, მეუფე შიომ (მუჯირი) კვირას, 25 ნოემბერს, სენაკის მუნიციპალიტეტში, კვაუთის მთავარანგელოზთა სახელობის ახლადაღდგენილი ტაძარი აკურთხა და წირვა-ლოცვა აღავლინა.
დანგრევის პირას მისული ტაძრის აღდგენა 2010 წელს აკაკი ბარქაიამ ითავა. ამ იდეის განხორციელებას წინ უძღოდა 2009 წლის 4 ოქტომბერს საქართველოს კათოლიკოს-პატრიარქის, უწმინდესისა და უნეტარესის, ილია მეორის მიერ სამების საკათედრო ტაძარში ბარქაიების გვარის დალოცვა, რის შემდეგაც დაიწყო კულტურული მემკვიდრეობის ერთ-ერთი მნიშვნელოვანი ძეგლის, სოფ. კვაუთის შუა საუკუნეების (XI - XII) მთავარანგელოზის სახელობის ეკლესიის აღსადგენი თანხების მოძიება.
ბარქაიების გვარის წარმომადგენელთა მიერ გაღებული შეწირულობის შედეგად, დაახლოებით ერთ წელიწადში შეიქმნა ტაძრის პროექტი, რომელიც დამტკიცდა კულტურისა და ძეგლთა დაცვის სამინისტროსა და საპატრიარქოს საბჭოს მიერ.
(სოფ. კვაუთის მთავარანგელოზთა სახელობის ეკლესია აღდგენამდე - 2012 წელი)
მოგვიანებით, 2016 წელს, ამ უნიკალური ძეგლის აღდგენითი სამუშაოების დაფინანსება „ქართუ ჯგუფმა“ ითავა, სამუშაოები კი სს სამშენებლო კომპანია „ივერთმშენმა“ განახორციელა.
შემდგომი ეტაპი, დაახლოებით 2 წელი, დაეთმო საეკლესიო აღჭურვილობის - ნივთების შეძენას. ამასთან, ხელახლა აიგო ქვის (ნიჩბისი) კანკელი.
რვაწლიანი შრომის შემდეგ, სენაკისა და ჩხოროწყუს მიტროპოლიტის, საქართველოს კათოლიკოს-პარტიარქის თანამოსაყდრის, მეუფე შიოს მიერ კვაუთის მთავარანგელოზთა სახელობის ეკლესიის კურთხევით, სენაკისა და ჩხოროწყუს ეპარქიის ერთ-ერთ უძველეს ტაძარში წირვა-ლოცვების აღვლენა გახდა შესაძლებელი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.