საფრანგეთში ნავთობპროდუქტებზე ფასების მატების გამო მიმდინარე მასშტაბური საპროტესტო აქციები ადასტურებს ამერიკის შეერთებული შტატების პარიზის კლიმატის საკითხზე არსებული შეთანხმებიდან გამოსვლის მართებულობას, განაცხადა აშშ-ის პრეზიდენტმა დონალდ ტრამპმა.
„მე მოხარული ვარ, რომ ჩემი მეგობარი ემანუელ მაკრონი და პროტესტანტები პარიზში შეთანხმებამდე მივიდნენ, რასაც მე ორი წლის წინ მივაღწიე. პარიზის შეთანხმება ღრმად მცდარია, რადგანაც ის ზრდის ფასებს ენერგორესურსებზე, პასუხისმგებლობის მქონე ქვეყნებისთვის მაშინ, როცა მსოფლიოში ზოგიერთ ყველაზე საშინელ დამბინძურებელ ქვეყნებს სასათბურე პირობებში აქცევს“, დაწერა ტრამპმა „თვითერზე“ და დაამატა:
„მე მინდა სუფთა ჰაერი და სუფთა წყალი და მივაღწიე დიდ წარმატებებს ამერიკის გარემოს გაუმჯობესებაში. მაგრამ ამერიკელმა გადასახადების გადამხდელებმა და ამერიკელმა მუშებმა არ უნდა გადაიხადონ სხვა ქვეყნების მიერ დაბინძურებული გარემოს გაჯანსაღებისთვის“.
პრეზიდენტმა ტრამპმა 2017 წელს გამოაცხადა, რომ აშშ პარიზის კლიმატის შეთანხმებიდან გამოდის.
პარიზში ბენზინსა და დიზელზე ფასების მატების გამო „ყვითელჟილეტიანების“ მიერ 17 ნოემბერს დაწყებული მძლავრი და ხალხმრავალი საპროტესტო გამოსვლები, რაც მოგვიანებით დემონსტრანტების პოლიციასთან შეტაკებებსა და მასობრივ არეულობებში გადაიზარდა, იმის საფუძველი გახდა, რომ საფრანგეთის პრემიერ მინისტრს, ედუარდ ფილიპს საწვავზე ფასების მატების თაობაზე ექვსთვიანი მორატორიუმი გამოეცხადებინა.
არეულობების დროს საფრანგეთის დედაქალაქში 412 ადამიანი დააკავეს, დაზიანებები მიიღო 133-მა, მათ შორის 23-მა სამართალდამცველმა, დაიღუპა 4 ადამიანი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.