„საქმე გვაქვს გასაკეთებელი და გადავიდეთ საქმეზე. ჩვენ მოვახდენთ დღეს თვითორგანიზებას სახალხო რაზმებად. ამ რაზმების სტრუქტურა იქნება მარტივი. გვეყოლება ათეულები, ასეულები და ათასეულები, რომელიც შეადგენენ ლეგიონს. ჩვენი მუშაობის ფორმა, სტილი და სახე იქნება მშვიდი და აუღელვებელი. ყველას, ვისაც უნდა არეულობის მოწყობა იარაღით, წავიდეს აქედან, მათი ადგილი აქ არ არის“, განაცხადა ბიზნესმენმა ლევან ვასაძემ თბილისში, ვერის ბაღში თავისი მხარდამჭერების წინაშე სიტყვით გამოსვლისას.
ვასაძის თქმით, „დაგეგმილია კაცის მკვლელობა იქითა მხარეს, ზვარაკად უნდათ შესწირონ იქით მხარეს არასამთავრობო ორგანიზაციის წევრი ან მამათმავალი. კატეგორიულად ვაცხადებ, რომ ვინც ამას გააკეთებს, ჩვენ მათთან საერთო არაფერი გვაქვს. მე მესროლონ ტყვია, 8 შვილის მამას“.
ვასაძემ აღნიშნა, რომ ერთი კვირის განმავლობაში ეს ჯგუფები მოახდნენ ქალაქის პატრულირებას, ყოველგვარი იარაღის გარეშე.
„ნებისმიერ კორდონს, რომელიც ჩვენ პოლიცია დაგვიყენებს, აუცილებლად გავარღვევთ. რისთვის გავარღვევთ ჩვენ ამ კორდონს - იმისთვის, რომ ჩავქლოთ ეს ქათმები, ლესბოსელები? არა, ჩვენ მათ შევუკრავთ ხელებს ქამრებით და მივაბრძანებთ იმ ადგილიდან.
მინდა მივმართო პოლიციას, რომ ის რაც ქენით კანცელარიასთან გუშინწინ, ის არ გამოგიგავთ. არც ერთ ჩვენიანს არ გაგატანათ. ათეული გამოესარჩლება მას. არ ეყოფა ათეული, ასეული გამოესარჩლება, არ ეყოფა ასეული, ათასეული გამოესარჩლება და თუ რაღაც სასწაული მოხდა, და მაინც გამოსტაცეთ ამ ჩვენ რაგბისტებს ერთი მაინც, სადაც წაიყვანთ, რომელ განყოფილებაშიც წაიყვანთ, იქ მივალთ და იქ გავარღვევთ კორდონს. ერთადერთი გზა, ჩვენი გაჩერების არის ტყვია და გთხოვთ, მე მესროლეთ ეს ტყვია“, განაცხადა ვასაძემ და ხელისუფლებას „კომბლების რევოლუციით“ დაემუქრა.
მან აღნიშნა, რომ თვითონ კი არ არიან მოძალადეები, არამედ ძალდობის და შეტევის ქვეშ იმყოფებიან „და ახლა ისინი მიიღებენ პასუხს, რომელსაც არ ელოდნენ“.
„გვაბრალებენ, რომ ჩვენ ვართ კრემლის აგენტები. ის ხალხი ვინც ჩააბარა მათ ჩვენი მიწები და დასეირნობენ ჩვენი მოპარული ფულით, ისინი გვაბრალებენ აგენტობას, ისინი არიან აგენტები. მე ვარ აგენტი, მინდა გაგანდოთ ერთი საიდუმლო, რომ მე ვარ საქართველოს აგენტი მთელ მსოფლიოში.
„მე მინდა ძმაკაცობა ამერიკასთან და ევროპასთან და ასევე, მე მინდა ძმაკაცობა რუსეთთანაც იმ პირობით, რომ ისინი აფხაზეთს და ოსეთს დაგვიბრუნებენ“, განაცხადა ლევან ვასაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.