ამერიკელი ფინანსისტი, მილიარდერი ჯეფრი ეპშტეინი, რომელიც არასრულწლოვანთა ტრეფიკინგისა და პროსტიტუციაში ჩაბმის ბრალდებით იყო დაკავებული და სასამართლო პროცესს ელოდებოდა, თავის საკანში მკვდარი იპოვნეს, იტყობინება აშშ-ის მედია.
ABC-ის ახალი ამბები სამ სამართალდამცველზე დაყრდნობით იტყობინება, რომ 66 წლის ჯეფრი ეპშტეინმა, ნიუ იორკში თავის საკანში თავი მოიკლა.
ამერიკელმა პროკურორებმა განაცხადეს, რომ ეპშტეინი თავის სიმდიდრეს და გავლენას თავის სახლში ათეულობით არასრულწლოვანი გოგონას სექსუალური შეურაცხყოფისთვის იყენებდა, უხდიდა რა მათ ასეულობით აშშ დოლარს ნაღდი ფულის სახით, თითოეული შეხვედრისთვის, და ასეულობით უფრო მეტს, თუკი ისინი მასთან მეტ მსხვერპლს მიიყვანდნენ.
სავარაუდო დანაშაული ეპშტეინის საცხოვრებელ სახლებში - მანჰეტენსა და პალმ ბიჩზე, ფლორიდაში 2002 წლიდან 2005 წლამდე ხდებოდა და მასში ყველაზე მცირეწლოვანი ასაკის, 14 წლის გოგონები იყვნენ ჩაბმული. გამოძიება ეპშტეინს „მსხვერპლთა ფართო ქსელის შექმნაში“ სდებდა ბრალს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.