მიხეილ თუმანიშვილის სახელობის კინომსახიობთა თეატრი გასტროლზე ქალაქ ბათუმში მიემგზავრება. დასი მაყურებლის წინაშე წარსდგება სპექტაკლით „ჭირვეულის მორჯულება“, რომელიც უილიამ შექსპირის ამავე სახელწოდების პიესის მიხედვით არის დადგმული.


კინომსახიობთა თეატრის  საზოგადოებასთან ურთიერთობის სამსახურის ინფორმაციით, სპექტაკლი ბათუმის სახელმწიფო მუსიკალურ ცენტრში 24 აგვისტოს, 19:00 სთ-ზე გაიმართება და მისი დამდგმელი რეჟისორია ცნობილი ბრიტანელი რეჟისორი და პედაგოგი ჰილარი დაგლას ვუდი.


რეჟისორი – ჰილარი ვუდი( დიდი ბრიტანეთი)
მხატვარი – სიმონ მაჩაბელი
კოსტუმების მხატვარი – ლალი ბადრიძე
ქორეოგრაფი – ცისია ჩოლოყაშვილი
მუსიკალური გაფორმება – ჰილარი ვუდი
ტექნიკური რეჟისორი – სოფო დანელია


მოქმედი პირნი და შემსრულებელნი:


გია აბესალაშვილი, მახო აბულაძე, თემურ გვალია, სოსო ხვდელიძე , ვანო დუგლაძე, ნიკა წერედიანი, ცოტნე მეტონიძე, გუგა კახიანი, ილია ჭეიშვილი, აკაკი ხიდაშელი, ზურა ანთელავა, თამრი ბზიავა, ირინა გიუნაშვილი, ანა მატუაშვილი, დარეჯან ხაჩიძე, ანა ნიკოლაშვილი, ანრი ბიბინეიშვილი, თამუნა ბუაჩიძე.


"ჭირვეულის მორჯულება" შექსპირის ერთ-ერთი პირველი პიესაა და ახალგაზრდა ავტორის ყველა ნიშანთვისება, ენერგია და ბრწყინვალება ახასიათებს. ამ პიესაში ერთმანეთს ეჯახება ახალგაზრდული მოუთმენლობა, სიცოცხლის დაუოკებელი წყურვილი, სიყვარულის ჟინი და უფროსი თაობის პრაგმატულობა, ახალგაზრდების კონტროლის სურვილი. გაუგებრობების კორიანტელი, მხიარული გათამაშებები ამ კომედიას მაყურებლისთვის მიმზიდველსა და შეუცვლელს ხდის. ის სავსეა მომავლის იმედითა და სიხარულით.


და ბოლოს, ვინ რჩება მოთვინიერებული? კატარინა? პეტრუჩიო? თუ დაბნეული ბაპტისტა?
თუ სიყვარული გაიმარჯვებს?


ეს პიესა ბოლო დროს სრულიად დაუმსახურებლად იყო აღიარებული "ანტიფემინისტურად".

მე კი მგონია, რომ შექსპირი წერდა ქალზე და მამაკაცზე. მათ სიყვარულზე და ამ სიყვარულის გამარჯვებაზე. და გაუმარჯოს განსხვავებას ქალს და მამაკაცს შორის!" - მაიჩნია ბრიტანელ რეჟისორს, ჰილარი ვუდს.