„პატრიარქის კურთხევა როგორიც იქნება, მე როგორც მორწმუნე ადამიანი, ალბათ მას შევასრულებ“, განაცხადა ექიმმა მარინა ეზუგბაიამ „TV პირველის“ პირდაპირ ეთერში ოთხშაბათს, გვიან ღამით ჩართვისას, მას შემდეგ, რაც სრულიად საქართველოს კათოლიკოს-პატრიარქის, უწმინდესის და უნეტარესის, ილია მეორის მრევლისადმი საგანგებო მიმართვა გავრცელდა, სადაც ნათქვამია, რომ „ტაძრის კარის დახურვა შეუძლებელია და იგი ღია იქნება მათთვის, ვინც ეკლესიაში მისვლას მოისურვებს“.

„მე მორწმუნე ვარ, მართლმადიდებელი მორწმუნე, მრავალი წელია ეკლესიაში დავდივარ, ვესწრები თითქმის ყველა წირვა-ლოცვას და პატრიარქის კურთხევა როგორიც იქნება, მე როგორც მორწმუნე ადამიანი, ალბათ მას შევასრულებ... ყველაფერი უფლის ნებაა ამ ქვეყანაზე. მორწმუნე ადამიანს, რომელსაც სურვილი აქვს, რომ ტაძარში მივიდეს, აქ ლაპარაკია სააღდგომო ლიტურგიის დასწრებასთან დაკავშირებით, თუ დაცული იქნება ყველა ის წესი, რომელიც მოწოდებულია ეპიდომოლოგიური თვალსაზრსით, ამ შემთხვევაში ალბათ შესაძლებელი იქნება სააღდგომო ლიტურგიაზე დასწრება, თუ დავიცავთ ყველაფერს, როგორც წესი და რიგია“, განაცხადა მარინა ეზუგბაიამ.