საქართველოს ფეხბურთის ფედერაციის პრეზიდენტად ლევან კობიაშვილი აირჩიეს. გადაწყვეტილება ამის თაობაზე სულ ახლახან გამოცხადდა. კობიაშვილს ფარული კენჭისყრით ჩატარებულ არჩევნებში მონაწილე დელეგატების უმრავლესობამ, 18-მა დაუჭირა მხარი, არველაძეს კი 15-მა დელეგატმა, მე-3 კანდიდატს, მამუკა კვარაცხელიას კი არც ერთი ხმა არ ერგო. რევაზ არველაძემ ფედერაციის ახალ პრეზიდენტს, ლევან კობიაშვილს გამარჯვება მიულოცა და წარმატებები უსურვა.
ეს არ არის მარტო ჩემი, ეს არის ქართული ფეხბურთის გამარჯვება, განაცხადა გამარჯვების შემდეგ ფეხბურთის ფედერაციის პრეზიდენტმა, ლევან კობიაშვილმა. მან სიტყვით გამოსვლისას ემოციები ვერ შეიკავა და ცრემლები წამოუვიდა, რის გამოც თავდაპირველად სიტყვის შეწყვეტაც მოუწია.
"ძალიან დიდი მადლობა მინდა ვუთხრა ყველას. ჩემთვის მართლაც ძალიან ემოციურია ეს ყველაფერი. ეს არ არის მარტო ჩემი, ეს არის ერთიანი ქართული ფეხბურთის გამარჯვება", - განაცხადა კობიაშვილმა და დაამატა, რომ მისთვის მტერი არ არსებობს და ყველა ქართული ფეხბურთის და საფეხბურთო ოჯახის წევრია.
"ვიცი, რამხელა პასუხისმგებლობა და გამოწვევაა, მაგრამ ერთ რამეში ვარ დარწმუნებული, რომ ქართული ფეხბურთი იმსახურებს უკეთეს ფეხბურთს. მინდა ვუთხრა სხვა კანდიდატებს, რომ ჩვენ არ ვართ ოპონენტები, ჩვენ ვართ მეგობრები", - განაცხადა კობიაშვილმა და დასძინა, რომ გეგმებსა და საკადრო გადაწყვეტილებებზე უახლოეს დღეებში ისაუბრებს.
დღევანდელი ყრილობის ხელმძღვანელმა ალექსანდრე ჩივაძემ განაცხადა, რომ არჩევნებში 33 დელეგატი იღებდა მონაწილეობას, რადგან რაჭა-ლეჩხუმ-ქვემო სვანეთის და გურიის სამხარეო ფედერაციებს ხმის უფლება გაუუქმდათ, როგორც ითქვა, პროცედურული დარღვევებიდან გამომდინარე. აღსანიშნავია, რომ ამ ფედერაციების ორივე დელეგატი რევაზ არველაძის მხარდამჭერად მოიაზრებოდა.
33 დელეგატიდან 17-მა დაუჭირა მხარი, რომ აღნიშნულ პირებს არ აღდგენოდათ ხმის მიცემის უფლება, 15 წინააღმდეგ წავიდა, ერთი ხმა კი ბათილად ცნეს. აქედან გამომდინარე, სფფ-ის პრეზიდენტის არჩევნებში მონაწილეობის უფლება საბოლოოდ 33 დელეგატს მიენიჭა.
სასტუმრო "ჰოლიდეი ინ"-ში საქართველოს ფეხბურთის ფედერაციის პრეზიდენტის არჩევნები დილის 11 საათისთვის იყო დანიშნული, თუმცა რევაზ არველაძის მხარდამჭერი დელეგატის გეგა გობეჯიშვილის წუხანდელი დაპატიმრების გამო, პროცესები მისი პატიმრობიდან გათავისუფლებამდე გადაიდო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.