GUARDIAN.GE - ამერიკის შეერთებული შტატების პრეზიდენტმა ჯო ბაიდენმა რუსეთის ქმედებებს უკრაინაში უწოდა „უსამართლო თავდასხმა რუსული ძალების მიერ“ და აღნიშნა, რომ „მთელი მსოფლიოს მლოცველები ახლა უკრაინელ ხალხთანაა“.
„პრეზიდენტმა პუტინმა აირჩია წინასწარ განზრახული ომი, რომელიც მოიტანს სიცოცხლის კატასტროფულ დანაკარგს და ადამიანთა ტანჯვას.მხოლოდ რუსეთია პასუხისმგებელი იმ სიკვდილსა და ნგრევაზე, რასაც ეს თავდასხმა მოიტანს და შეერთებული შტატები და მისი მოკავშირეები და პარტნიორები უპასუხებენ ერთიანი და გადამწყვეტი გზით. მსოფლიო რუსეთს პასუხს აგებინებს“, - აღნიშნა ბაიდენმა და დაამატა, რომ ის ხუთშაბათს მიმართავს ამერიკელებს იმის შესახებ თუ რა შედეგები ექნება ამ ქმედებებს რუსეთისთვის.
მან აღნიშნა, რომ იგი მდგომარეობის მონიტორინგს თეთრი სახლიდან გააკეთებს და ხუთშაბათ დილით [ვაშინგტონის დროით] დიდი შვიდეულის ლიდერებს შეხვდება, სანამ გამოაცხადებს რუსეთის „შემდგომი შედეგების“ შესახებ. ბაიდენმა თქვა, რომ „მძლავრი, ერთიანი პასუხი“ იქნება ნატოსგან, რომელიც თავისი წევრების მიმართ ნებისმიერი აგრესიის შეკავებას ახდენს.
„ამაღამ, მე და ჯილი ვლოცულობთ მამაცი და ამაყი უკრაინელი ხალხისთვის“, - თქვა ბაიდენმა.
უკრაინის საგარეო საქმეთა მინისტრის, დმიტრო კულებას განცხადებით, რუსეთის პრეზიდენტმა, ვლადიმერ პუტინმა უკრაინაში სრულმასშტაბიანი შეჭრა დაიწყო.
„პუტინმა სულ ახლახან უკრაინაში სრულმასშტაბიანი შეჭრა დაიწყო. უკრაინის მშვიდობიანი ქალაქები დარტყმების ქვეშაა. ეს არის აგრესიის ომი. უკრაინა დაიცავს საკუთარ თავს და გაიმარჯვებს. მსოფლიოს შეუძლია და უნდა შეაჩეროს პუტინი. მოქმედების დროა“,- წერს კულება „თვითერზე“.
ბაიდენის და კულებას განცხადებებამდე, ხუთშაბათ დილით, რუსი ხალხისადმი მიმართვაში რუსეთის პრეზიდენტმა, ვლადიმერ პუტინმა განაცხადა, რომ რუსეთს უკრაინის ოკუპაციის „გეგმები“ არ აქვს.
დონბასის რეგიონში „სპეციალური სამხედრო ოპერაციის შესახებ“ გამოცხადებისას პუტინმა დაჟინებით მოუწოდა აღმოსავლეთ უკრაინაში მყოფ უკრაინელ ჯარისკაცებს დაყარონ იარაღი და დაბრუნდნენ თავიანთ სახლებში. პუტინმა გამაფრთხილებლად განაცხადა, რომ მოსკოვის პასუხი იქნება „მყისიერი“, თუკი ვინმე შეეცდება რუსეთის წინააღმდეგ ბრძოლას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.