საქართველოს იუსტიციის მინისტრის, რატი ბრეგაძის განცხადებით, მსჯავრდებულ მიხეილ სააკაშვილს კლინიკა „ვივამედში“ უტარდება გამოკვლევები, შესაბამისი მკურნალობა და მისი ნომერ მე-12 პენიტენციურ დაწესებულებაში დაბრუნების საკითხი განხილული იქნება მხოლოდ მას შემდეგ, რაც ექიმების შესაბამისი დასკვნა დაიდება და როდესაც იგი იქნება გამოწერილი კლინიკიდან, ხოლო შუამდგომლობა, რომელიც უკავშირდება მსჯავრდებული პატიმრის საზღვარგარეთ გადაყვანას, საფუძველს მოკლებულია.
როგორც მინისტრმა საქართველოს საზოგადოებრივი მაუწყებლის „პირველ არხს“ უთხრა, გარკვეული პირები ცდილობენ, რომ შექმნან რეალობისგან სრულიად განსხვავებული სურათი და ხელი შეუწყონ საზოგადოებაში არასწორი აღქმების ჩამოყალიბებას და „ამის ნათელი მაგალითია, როდესაც ერთ-ერთი ქალბატონი საუბრობდა იმის შესახებ, რომ მიხეილ სააკაშვილი აღარ არის კონტაქტური, რაც არის სრული სიცრუე“.
„მაგალითისთვის შემიძლია, მოვიყვანო ისეთი შემთხვევა, როდესაც გარკვეული პირები საუბრობდნენ იმის შესახებ, რომ მიხეილ სააკაშვილი დამოუკიდებლად ვერ გადაადგილდება, თანაც, სამწუხაროდ, ამას აკეთებდნენ მტკიცებით ფორმაში. როდესაც მიხეილ სააკაშვილი მიიყვანეს კლინიკა „ვივამედში“, საზოგადოებამ ერთ-ერთი ტელეარხის მეშვეობით იხილა, რომ ის დამოუკიდებლად გადმოვიდა მანქანიდან და ასევე დამოუკიდებლად შევიდა კლინიკის ტერიტორიაზე. ასევე, სამწუხაროდ, კიდევ ერთხელ ხაზგასმით უნდა ვთქვა, გარკვეული პირები ცდილობენ, რომ შექმნან რეალობისგან სრულიად განსხვავებული სურათი და ხელი შეუწყონ საზოგადოებაში არასწორი აღქმების ჩამოყალიბებას. ამის ნათელი მაგალითია, როდესაც ერთ-ერთი ქალბატონი საუბრობდა იმის შესახებ, რომ მიხეილ სააკაშვილი აღარ არის კონტაქტური, რაც არის სრული სიცრუე. მინდა, კიდევ ერთხელ მოვუწოდო ყველას, რომ თავი შეიკავონ ადამიანის ჯანმრთელობის შესახებ არასწორი ინფორმაციის გავრცელებისგან. როგორც ჩვენ ვხედავთ, მათ შორის ოჯახის წევრები გამოხატავენ აშკარა კმაყოფილებას სამედიცინო პერსონალის მიმართ, ჩვენი თხოვნა და მოწოდება იქნება, ყველამ დააცადოს მედიკოსებს მუშაობა, რათა მათ გააკეთონ შესაბამისი დასკვნები და თუკი იქნება ამის საჭიროება, ჩაუტარონ შესაბამისი მკურნალობა მსჯავრდებულ სააკაშვილს“, – განაცხადა რატი ბრეგაძემ.
ამასთან, მინისტრმა აღნიშნა, რომ საფუძველს მოკლებულია როგორც შუამდგომლობა პარლამენტის წევრების მხრიდან, ასევე ნებისმიერი სხვა სახის მოთხოვნა, რომელიც უკავშირდება მსჯავრდებული პატიმრის საზღვარგარეთ გადაყვანას.
„საზღვარგარეთ გადაყვანას იუსტიციის სამინისტრო ვერ განიხილავს იმ მარტივი მიზეზის გამო, რომ საქართველოს კანონმდებლობის თანახმად, მსჯავრდებული პატიმარი სასჯელს იხდის საქართველოს ტერიტორიაზე არსებულ პენიტენციურ დაწესებულებებში. ყოველგვარ საფუძველს მოკლებული არის როგორც შუამდგომლობა პარლამენტის წევრების მხრიდან, ასევე ნებისმიერი სხვა სახის მოთხოვნა, რომელიც უკავშირდება მსჯავრდებული პატიმრის საზღვარგარეთ გადაყვანას.
რაც შეეხება მიხეილ სააკაშვილის ნომერ მე-12 პენიტენციურ დაწესებულებაში დაბრუნების საკითხს, ეს იქნება განხილული მხოლოდ მას შემდეგ, რაც, ბუნებრივია, ჩვენ გვექნება ექიმების შესაბამისი დასკვნა და როდესაც იგი იქნება გამოწერილი კლინიკიდან“, – განუცხადა რატი ბრეგაძემ „პირველ არხს“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.