თბილისის საქალაქო სასამართლოში მიხეილ სააკაშვილისთვის სასჯელის გადავადების საკითხზე მომდევნო პროცესი 22 დეკემბერს, 11:00 საათზე გაიმართება. ამის შესახებ მოსამართლე გიორგი არევაძემ დღევანდელ სხდომაზე განაცხადა და დასძინა, რომ პენიტენციური სამსახურის მიერ საქმის განსახილველად მოთხოვნილი ერთი თვე ამისათვის არ არის საჭირო, რადგან მსჯელობა ჯანმრთელობასთან დაკავშირებულ საკითხებს ეხება.
„ერთი თვე აქვთ მოთხოვნილი პენიტენციური სამსახურს წარომადგენლებს და ნამდვილად არ ვფიქრობ, რომ ამისთვის ერთი თვეა საჭირო. იმის გათვალისწინებით, რომ სამსჯელი გვაქვს ჯანმრთელობასთან დაკავშირებულ საკითხებზე, ვფიქრობ, ეს საკითხი გონივრულ ვადებაში უნდა იქნას განხილული და საბოლოო ჯამში გადაწყვეტილი. ამიტომ, ამ ყველაფრის გათვალისწინებით, გთავაზობთ, მომდევნო სხდომა გაიმართოს 22 დეკემბერს 11:00 საათზე“, – განაცხადა მოსამართლემ.
თბილისის საქალაქო სასამართლოში საქართველოს ყოფილი პრეზიდენტის, მიხეილ სააკაშვილისთვის სასჯელის გადავადების საკითხზე სასამართლო პროცესი დღეს მეორედ გაიმართა.
დაცვის მხარე მოითხოვდა, რომ პროცესს დისტანციურად დასწრებოდა მიხეილ სააკაშვილი, თუმცა მოსამართლე გიორგი არევაძემ სასამართლო სხდომაზე წაიკითხა სპეციალური პენიტენციური სამსახურის წერილი, რომლის მიხედვითაც, სპეციალური პენიტენციური სამსახური მოკლებულია შესაძლებლობას, უზრუნველყოს მსჯავრდებულ სააკაშვილის დისტანციურად ჩართვა.
ამასთან, მოსამართლე გიორგი არევაძემ წაიკითხა „ვივამედიდან“ მიღებული წერილი, რომელშიც აღნიშნულია, რომ ექიმი მიზანშეწონილად არ მიიჩნევს მიხეილ სააკაშვილის ტრანსპორტირებას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.