GUARDIAN.GE - რუსეთის პრეზიდენტმა ვლადიმერ პუტინმა მოქალაქეებისადმი კიდევ ერთი მიმართვა გაავრცელა. წინასწარ ჩაწერილ ვიდეოში, პუტინი ამბობს, რომ მოვლენების დასაწყისიდანვე დაუყოვნებლივ იქნა მიღებული ყველა საჭირო გადაწყვეტილება წარმოშობილი საფრთხის ნეიტრალიზებისათვის, კონსტიტუციური წესრიგის, მოქალაქეების სიცოცხლის და უსაფრთხოების დასაცავად.

მისი თქმით, „შეიარაღებული ამბოხი ყველა შემთხვევაში იქნებოდა ჩახშობილი“ და აჯანყების ორგანიზატორებს, „ადეკვატურობის გრძნობის დაკარგვის მიუხედავად, არ შეიძლებოდა ეს არ სცოდნოდათ“.

პუტინის შეფასებით, „ისინი ყველაფერს ხვდებოდნენ, მათ შორის იმასაც, რომ წავიდნენ დანაშაულებრივ ქმედებებზე, რღვევასა და დასუსტებაზე ქვეყნისა, რომელიც ახლა კოლოსალური საგარეო საფრთხის, უპეცედენტო გარე ზეწოლის წინაშე დგას - როდესაც ფრონტზე სიტყვებით - „არც ერთი ნაბიჯი უკან!“ - იღუპებიან ჩვენი ამხანაგები“.

„დღეს კიდევ ერთხელ მივმართავ რუსეთის ყველა მოქალაქეს. მადლობა თქვენ სოლიდარობის, გამძლეობისა და პატრიოტიზმისთვის. ამ სამოქალაქო ერთსულოვნებამ აჩვენა, რომ ნებისმიერი შანტაჟი, შიდა არეულობის მოწყობის მცდელობა განწირულია მარცხისთვის.

„ვიმეორებ, გამოვლინდა საზოგადოების, ყველა დონის აღმასრულებელი და საკანანმდებლო ხელისუფლების კონსოლიდაცია. მტკიცე, ერთმნიშვნელოვანი პოზიცია კონსტიტუციური წესრიგის მხარდაჭერისადმი გამოხატეს საზოგადოებრივმა ორგანიზაციებმა, რელიგიურმა კონფესიებმა, წამყვანმა პოლიტიკურმა პარტიებმა, ფაქტობრივად, მთელმა რუსულმა საზოგადოებამ. ყველას აერთიანებდა და რაზმავდა მთავარი - სამშობლოს ბედისადმი პასუხისმგებლობა.

„ხაზს ვუსვამ, მოვლენების დასაწყისიდანვე დაუყოვნებლივ იქნა მიღებული ყველა საჭირო გადაწყვეტილება წარმოშობილი საფრთხის ნეიტრალიზებისათვის, კონსტიტუციური წესრიგის, ჩვენი მოქალაქეების სიცოცხლის და უსაფრთხოების დასაცავად.

„შეიარაღებული ამბოხი ყველა შემთხვევაში იქნებოდა ჩახშობილი. აჯანყების ორგანიზატორებს, ადეკვატურობის გრძნობის დაკარგვის მიუხედავად, არ შეიძლებოდა ეს არ სცოდნოდათ. ისინი ყველაფერს ხვდებოდნენ, მათ შორის იმასაც, რომ წავიდნენ დანაშაულებრივ ქმედებებზე, რღვევასა და დასუსტებაზე ქვეყნისა, რომელიც ახლა კოლოსალური საგარეო საფრთხის, უპეცედენტო გარე ზეწოლის წინაშე დგას - როდესაც ფრონტზე სიტყვებით - „არც ერთი ნაბიჯი უკან!“ - იღუპებიან ჩვენი ამხანაგები“, - განაცხადა პუტინმა და დაამატა, რომ „ამბოხების ორგანიზატორებმა უღალატეს თავიანთ ქვეყანას და დანაშაულში მონაწილე პირებს მოტყუებით სიკვდილისაკენ და თანამოქალაქეების მკვლელობისკენ უბიძგებდნენ“.

„ეს არის ზუსტად ის შედეგი – ძმათამკვლელობა – რაც რუსეთის სურდათ მტრებს: ნეონაცისტებს კიევში, მათ დასავლელ მფარველებს და ქვეყნის სხვადასხვა ჯურის ნაციონალ-მოღალატეებს. სურდათ, რომ რუსეთის ჯარისკაცებს ერთმანეთი დაეხოცათ, რომ სამხედრო მოსამსახურეები და მშვიდობიანი მოქალაქეები დაღუპულიყვნენ, რათა საბოლოოდ რუსეთი დამარცხებულიყო, ჩვენი საზოგადოება გაყოფილიყო და ჩართულიყო სისხლიან სამოქალაქო დაპირისპირებაში.

„ისინი ხელებს იფშვნეტდნენ, ოცნებობდნენ რევანშის აღებაზე ფრონტზე და ე.წ. კონტრშეტევის დროს თავიანთი წარუმატებლობისას, მაგრამ არასწორად გათვალეს“, - აღნიშნა რუსეთის პრეზიდენტმა.

მან მადლობა გადაუხადა სამხედრო მოსამსახურეებს, სამართალდამცველი ორგანოების, სპეცსამსახურების თანამშრომლებს, რომლებიც წინ აღუდგნენ ამბოხებულებს და ასევე, „იმ ჯარისკაცებს და ჯგუფ „ვაგნერის“ მეთაურებს, რომლებმაც მიიღეს ერთადერთი სწორი გადაწყვეტილება – არ წავიდნენ ძმათამკვლელ სისხლისღვრაზე, ბოლო ხაზზე გაჩერდნენ“.

პუტინმა აღნიშნა, რომ „დაცემული გმირი მფრინავების სიმამაცემ, თავგანწირვამ რუსეთი ტრაგიკული დამანგრეველი შედეგებისაგან იხსნა“.

„მადლობას ვუხდი ყველა ჩვენს სამხედრო მოსამსახურეს, სამართალდამცველი ორგანოების, სპეცსამსახურების თანამშრომლებს, რომლებიც წინ აღუდგნენ ამბოხებულებს, შეინარჩუნეს მოვალეობისადმი ერთგულება, თავის ხალხისადმი მიცემული ფიცი. ჩვენი დაცემული გმირი მფრინავების სიმამაცემ, თავგანწირვამ რუსეთი ტრაგიკული დამანგრეველი შედეგებისაგან იხსნა.

„ამავე დროს, ჩვენ ვიცოდით და ვიცით, რომ ჯგუფ „ვაგნერის“ მებრძოლების და მეთაურების აბსოლუტური უმრავლესობა - ესენი ასევე რუსეთის პატრიოტები არიან, თავიანთი ხალხისა და სახელმწიფოსადმი თავდადებულები. ეს მათ დაამტკიცეს ბრძოლის ველზე თავიანთი სიმამაცით, დონბასისა და ნოვორუსეთის გათავისუფლებისას. შეეცადნენ იარაღით მათ ბრმად გამოყენებას თავიანთი ძმების წინააღმდეგ, რომელთან ერთადაც ისინი ქვეყნისა და მისი მომავლისთვის იბრძოდნენ.

„აქედან გამომდინარე, მოვლენების დასაწყისიდანვე, ჩემი პირადი დავალებით გადაიდგა ნაბიჯები, რომ დიდი სისხლისღვრისაგან აგვერიდებინა თავი. ამან დროც მოითხოვა, მათ შორის იმისათვისაც, რომ მიგვეცა შესაძლებლობა მათთვის, რომელთაც შეცდომა დაუშვეს, გაეაზრებინათ, რომ მათი ქმედება მკაცრად იყო დაგმობილი საზოგადოებისაგან და რუსეთისთვის, ჩვენი ქვეყნისთვის როგორ ტრაგიკულ, დამანგრეველ შედეგებამდე მიდიოდა ავანტიურა, რომელშიც ისინი იყვნენ ჩათრეული.

„მადლობას ვუხდი იმ ჯარისკაცებს და ჯგუფ „ვაგნერის“ მეთაურებს, რომლებმაც მიიღეს ერთადერთი სწორი გადაწყვეტილება – არ წავიდნენ ძმათამკვლელ სისხლისღვრაზე, ბოლო ხაზზე გაჩერდნენ.

„დღეს თქვენ გაქვთ შესაძლებლობა, განაგრძოთ რუსეთის მსახურება თავდაცვის სამინისტროსთან ან სხვა სამართალდამცავ ორგანოებთან ხელშეკრულების გაფორმებით, ან დაუბრუნდეთ თქვენს ნათესავებსა და ახლობლებს. ვისაც უნდა, შეუძლია, წავიდეს ბელარუსში. ჩემი დაპირება შესრულდება. ვიმეორებ, არჩევანი თითოეულ თქვენგანზეა, მაგრამ დარწმუნებული ვარ, რომ ეს იქნება რუსი ჯარისკაცების არჩევანი, რომლებმაც გააცნობიერეს თავიანთი ტრაგიკული შეცდომა“, – განაცხადა რუსეთის პრეზიდენტმა.

„მადლიერი ვარ ბელარუსის პრეზიდენტის, ალექსანდრე გრიგორევიჩ ლუკაშენკოსი, მდგომარეობის მშვიდობიან გადაწყვეტაში მისი წვლილისათვის.

„მაგრამ, ვიმეორებ, ამ დღეებში, სწორედ რომ მოქალაქეების პატრიოტულმა სულმა, მთელი რუსული საზოგადოების კონსოლიდაციამ ითამაშა გადამწყვეტი როლი. ამ მხარდაჭერამ საშუალება მოგვცა ჩვენ ერთად გადაგველახა ჩვენი სამშობლოსათვის ურთულესი გამოცდა. მადლობა თქვენ ამისათვის. მადლიერი ვარ“, - განაცხადა პუტინმა.

მომზადებულია GUARDIAN.GE-ის მიერ