გამბიის სათავეში ხანგრძლივად მყოფმა იაჰია ჯამეჰმა განაცხადა, რომ პრეზიდენტის თანამდებობიდან გადადგება.

როგორც ბრიტანული სამაუწყებლო კორპორაცია (BBC) წერს, სახელმწიფო ტელევიზიით გამოსვლისას, ჯამეჰმა თქვა, რომ „საჭირო არაა, რომ თუ გინდ ერთი წვეთი სისხლი დაიღვაროს“.

ჯამეჰმა პოსტის დატოვების შესახებ განცხადება დასავლეთ აფრიკის ქვეყნების წარმომადგენელთა შუამავლობით მასთან გამართული ხანგრძლივი მოლაპარაკებების შემდეგ გააკეთა, თუმცა შეთანხმების დეტალებზე მას არ უსაუბრია.

ჯამეჰი 1994 წლის სისხლიანი სახელმწიფო გადატრიალების შემდეგ უცვლელად, 22 წლის განმავლობაში ხელმძღვანელობდა ქვეყანას, მაგრამ გასული წლის დეკემბერში საპრეზიდენტო არჩევნებზე ადამა ბაროუსთან დამარცხდა.

გამბიის ლიდერის იაჰია ჯამეჰის გადადგომისა და ქვეყნის დატოვების შესახებ პირველი გაცხადება ადამა ბაროუმ „თვითერზე“ პარასკევს გვიან გამოაქვეყნა.

საპრეზიდენტო არჩევნებში გამარჯვებულმა ბაროუმ, ჯამეჰის წინააღმდეგობის გამო, საპრეზიდენტო ფიცი სენეგალში, გამბიის საელჩოში ხუთშაბათს დადო.

დასავლეთ აფრიკის სახელმწიფოებმა, მათ შორის სენეგალმა, გაერო-ს ნებართვით, გამბიაში ჯარები შეიყვანა, რათა ზეწოლა მოეხდინათ პრეზიდენტ ჯამეჰზე, რომელმაც რამდენიმე დღის წინათ გადადგომაზე უარი თქვა და პარლამენტს მისი საპრეზიდენტო უფლებამოსილების ვადა 3 თვით გაახანგრძლივებინა.

ადამა ბაროუს საერთშორისო საზოგადოებას კანონიერ პრეზიდენტად აღიარებს მას შემდეგ, რაც მან გასული წლის დეკემბერში მოქმედი პრეზიდენტი დაამარცხა.