ჩრდილოეთ კორეის ლიდერის, კიმ ჩენ ინის ნახევარძმა, კიმ ჩენ ნამი მალაიზიაში, ჩრდილოეთ კორეის მთავრობის ბრძანებით ქიმიური თავდასხმის შედეგად იქნა მოკლული. აღნიშნულს შეერთებული შტატები ამტკიცებს და ამის საპასუხოდ ფხენიანს ახალ სანქციებს უწესებს.
ქიმიური იარაღის გამოყენება „აჩვენებს ჩრდილოეთ კორეის უგუნურ ბუნებას და ხაზს უსვამს, რომ ჩვენ ვერ ვიქნებით შემწყნარებელი ნებისმიერ სახის ჩრდილო კორეული მასობრივი განადგურების იარაღისადმი“, განაცხადა სახელმწიფო დეპარტამენტის წარმომადგენელმა ჰიზერ ნოიერტმა, როგორც ამას BBC იუწყება.
შეერთებული შტატები მუდმივად სდებდა ბრალს ჩრდილოეთ კორეას იმაში, რომ კიმ ჩენ ნამზე თავდასხმის უკან თავად იდგა.
ჩრდილოეთ კორეა კი აღნიშნულ თავდასხმაში ჩართულობას უარყოფს.
ჩრდილოეთ კორეის ლიდერის, კიმ ჩენ ინის ნახევარძმა, კიმ ჩენ ნამი მალაიზიის დედაქალაქის, კუალალუმპურის საერთაშორისო აეროპორტში 2017 წლის თებერვალში მოკლეს.
მალაიზიამ თავიდანვე განაცხადა, რომ კიმ ჩენ ნამი მაღალტოქსიკური ნივთიერებით იქნა მოკლული. მალაიზიის ოფიციოზის თანახმად, კიმზე თავდასხმისას გამოყენებული იქნა „VX" ნერვის აგენტი (ფოსფორის შემცველი ორგანული ქიმიური ნივთიერება), რომელიც გაერო-ს მიერ კლასიფიცირებულია როგორც მასობრივი განადგურების იარაღი.
ინდონეზიელმა ქალმა, რომელიც ჩრდილოეთ კორეის ლიდერის ნახევარძმის მკვლელობისთვის დააპატიმრეს, განაცხადა, რომ 400 მალაიზიური რინგიტი (90 აშშ დოლარი) მისცეს იმისათვის, რომ ბავშვური ხუმრობა ჩაედინა - სახეში შეესხურებინა „ზეთის მსგავსი სითხე".
კიმ ჩენ ნამი ჩრდილოეთ კორეის ყოფილი ლიდერის, აწ გარდაცვლილი კიმ ჩენ ირის უფროსი ვაჟი იყო.
2001 წელს კიმი იაპონიაში ყალბი პასპორტით შესვლისას დაიჭირეს. მან უთხრა ოფიციალურ პირებს, რომ იგი ტოკიოს დისნეილენდში სტუმრობას აპირებდა.
ერთ დროს კიმ ჩენ ირის მემკვიდრედ მიჩნეული უფროსი ვაჟის მიმართ მამის მხრიდან დამოკიდებულება სავარაუდოდ ამ ინციდენტის გამო შეიცვალა.
მას შემდეგ რაც მამის მემკვიდრედ მისი ახალგაზრდა ნახევარძმა დასახელდა, კიმ ჩენ ნამი საზოგადოების ყურადღების ცენტრში აღარ იმყოფებოდა და იგი მისი დროის უმეტეს ნაწილს საზღვარგარეთ, ძირითადად მაკაოში (ჩინეთის ტერიტორიული ერთეული) ატარებდა.
2011 წელს იაპონიური მედია მის სიტყვებზე დაყრდნობით წერდა, რომ იგი ეწინააღმდეგებოდა „დინასტიური მემკვიდრეობის უფლებას“.
2012 წელს გამოცემულ ერთ-ერთი წიგნში ასევე მოყვანილია მისი სიტყვების ციტატა, სადაც იგი გამოხატავადა რწმენას, რომ მის უმცროს ნახევარძმას ხელმძღვანელობის თვისებები აკლდა, ძალაუფლების მემკვიდრეობით გადაცემა არ იმუშავებდა და რომ ჩრდილოეთ კორეა არასტაბილური ქვეყანა იყო და ესაჭიროებოდა ჩინეთის მსგავსი ეკონომიკური რეფორმები.
გავრცელებული ცნობით, იგი წარსულში მკვლელობის სამიზნე იყო. 2012 წელს სამხრეთ კორეაში გასამართლებულმა ჩრდილო კორეელმა ჯაშუშმა, გავრცელებული ინფორმაციის თანახმად აღიარა, რომ კიმ ჩენ ნამის საწინააღმდეგოდ სატრანსპორტო ინციდენტის მოწყობის ორგანიზებას ცდილობდა.
კუალალუმპურის საერთაშორისო აეროპორტში 13 თებერვალს მოკლული კიმ ჩენ ნამის ცხედარი ფხენიანში თვენახევრის შემდეგ გადაასვენეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.