ჩრდილოეთ კორეის ლიდერის, კიმ ჩენ ინის ნახევარძმა კიმ ჩენ ნამი მაღალტოქსიკური ნივთიერებით იქნა მოკლული. ინფორმაციას BBC მალაიზიის ოფიციოზზე დაყრდნობით ავრცელებს.
კიმ ჩენ ნამს თავს დაესხნენ იმ დროს, როდესაც ის კუალალუმპურის საერთაშორისო აეროპორტიდან მაკაოში გამგზავრებას აპირებდა. ფაქტი მხოლოდ მეორე დღეს გახმაურდა. კიმ ჩენ ნამი საავადმყოფოში გადაყვანისას გარდაიცვალა.
პოლიცია აეროპორტში დამონტაჟებული უსაფრთხოების კამერების ვიდეომასალას სწავლობს. მედიაში გავრცელებული ფოტოები ფოკუსირებულია ორ ქალზე, რომლებიც კიმის გვერდით ჩანან და მოგვიანებით ტაქსით ტოვებენ ადგილს.
კიმ ჩენ ნამის მკვლელობასთან დაკავშირებით ჩრდილოეთ კორეის მოქალაქე, 46 წლის რი ჩენ კოლი დააპატიმრეს. მანამდე კი, პოლიციამ ინდონეზიელი ქალი და ვიეტნამის პასპორტების მქონე მალაიზიელი ქალი და ერთი მამაკაცი დააპატიმრა.
მალაიზიის ოფიციოზის თანამხად, კიმზე თავდასხმისას გამოყენებული იქნა „VX" ნერვის აგენტი(ფოსფორის შემცველი ორგანული ქიმიური ნივთიერება) რომელიც გაერო-ს მიერ კლასიფიცირებულია როგორც მასობრივი განადგურების იარაღი.
მალაიზიის პოლიციის ხელმძღვანელის, ხალიდ აბუ ბაქარის თქმით, ერთ-ერთი ქალი, რომელსაც კიმი აეროპორტში შეეხო, ასევე ცუდად გახდა და ღებინება აღენიშნებოდა.
მალაიზიას კიმ ჩენ ნამის სიკვდილში ჩრდილოეთ კორეის სახელმწიფოსთვის ბრალი არ დაუდია, მაგრამ განაცხადა, რომ მკვლელობის უკან ცხადად დგანან ჩრდილო კორეელები.
კიმ ჩენ ნამის ცხედარი ამ დრომდე მალაიზიის პროზექტურაში რჩება მიუხედავად იმისა, რომ ფხენიანმა გვამის დაუყოვნებლივ გადაცემა მოითხოვა.
კიმ ჩენ ნამი ჩრდილოეთ კორეის ყოფილი ლიდერის, აწ გარდაცვლილი კიმ ჩენ ირის უფროსი ვაჟი იყო.
2001 წელს კიმი იაპონიაში ყალბი პასპორტით შესვლისას დაიჭირეს. მან უთხრა ოფიციალურ პირებს, რომ იგი ტოკიოს დისნეილენდში სტუმრობას აპირებდა.
ერთ დროს კიმ ჩენ ირის მემკვიდრედ მიჩნეული უფროსი ვაჟის მიმართ მამის მხრიდან დამოკიდებულება სავარაუდოდ ამ ინციდენტის გამო შეიცვალა.
მას შემდეგ რაც მამის მემკვიდრედ მისი ახალგაზრდა ნახევარძმა დასახელდა, კიმ ჩენ ნამი საზოგადოების ყურადღების ცენტრში აღარ იმყოფებოდა და მისი დროის უმეტეს ნაწილს საზღვარგარეთ, ძირითადად მაკაოში (ჩინეთის ტერიტორიული ერთეული) ატარებდა.
2011 წელს იაპონიური მედია მის სიტყვებზე დაყრდნობით წერდა, რომ იგი ეწინააღმდეგებოდა „დინასტიური მემკვიდრეობის უფლებას“.
2012 წელს გამოცემულ ერთ-ერთი წიგნში ასევე მოყვანილია მისი სიტყვების ციტატა, სადაც იგი გამოხატავადა რწმენას, რომ მის უმცროს ნახევარძმას ხელმძღვანელობის თვისებები აკლდა, ძალაუფლების მემკვიდრეობით გადაცემა არ იმუშავებდა და რომ ჩრდილოეთ კორეა არასტაბილური ქვეყანა იყო და ესაჭიროებოდა ჩინეთის მსგავსი ეკონომიკური რეფორმები.
გავრცელებული ცნობით, იგი წარსულში მკვლელობის სამიზნე იყო. 2012 წელს სამხრეთ კორეაში გასამართლებულმა ჩრდილო კორეელმა ჯაშუშმა, გავრცელებული ინფორმაციის თანახმად აღიარა, რომ კიმ ჩენ ანის საწინააღმდეგოდ სატრანსპორტო ინციდენტის მოწყობის ორგანიზებას ცდილობდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.