იუსტიციის უმაღლესი საბჭოს სხდომაზე, არასამთავრობო ორგანიზაცია „საერთაშორისო გამჭვირვალობა-საქართველოს" ხმაურიან კვლევაზე იმსჯელეს. იუსტიციის უმაღლესი საბჭოს მოსამართლე წევრმა, დიმიტრი გვრიტიშვილმა ჟურნალისტებთან განაცხადა, რომ ის ამ კველევას არ ენდობა, რადაგან მისი თქმით, არა ერთხელ ყოფილა შემთხვევა, როდესაც არასამთავრობო ორგანიზაციებს სასამართლო ხელისუფლების წარმომადგენლების მიმართ, გაუვრცელებიათ გადაუმოწმებელი და არასწორი ინფორმაცია. გვრიტიშვილი ასევე ამბობს, რომ თუ ის ადამიანები, რომლებიც კვლევაში ანანონიმურად მონაწილეობენ, ფლობენ დადასტურებულ და ფაქტებით გაჯერებულ ინფორმაციას, მათ უნდა მიმართონ სამართალდამცავ ორგანოებს.

„გამოთქმულია საკმაოდ მძიმე ბრალდებები, რომელიც საქართველოს მოქმედი კანონმდებლობის შესაბამისად, არის განსაკუთრებით მძიმე კატეგორიის დანაშაული. იქ საუბარია ფულის აღებაზე გარკვეული პირების მიერ. თუ ვინმე ამ რამდენიმე ადამიანისგან მართლაც ფლობს დადასტურებულ ინფორმაციას ამგვარი ფაქტების შესახებ, ისინი უნდა შემოიფარგლონ არა მხოლოდ ოლღა შერმადინისთვის მიცემული ინტერვიუებით, არამედ მათ ჩვენება უნდა მისცენ სამართალდამცავ ორგანოებს, მე ისიც კი არ ვიცი, არსებობენ თუ არა ეს ადამიანები. არაერთ სიტუაციაში ყოფილა ისე, რომ არასამთავრობო ორგანიზაციებს სასამართლო ხელისუფლების წარმომადგენლების მიმართ ხშირად გაუვრცელებიათ ცილისწამება, გადაუმოწმებელი და არასწორი ინფორმაცია“, განაცხადა იუსტიციის უმაღლესი საბჭოს წევრმა, დიმიტრი გვრიტიშვილმა.

არასამთავრობო ორგანიზაციამ სასამართლო სისტემაში არსებული კორუფციული რისკები და კლანური მმართველობა გასულ კვირას ამხილა.

უკვე ცნობილია, რომ საბჭოს მოსამართლე წევრები ამ დასკვნას არ ენდობიან და მას მოსამართლეების მიზანმიმართულ დისკრედიტაციად აფასებენ. რაც შეეხება საბჭოს არამოსამართლე წევრებს, ისინი საგამოძიებო ორგანოებს და ხელისუფლებას მოუწოდებენ დაინტერესდნენ აღნიშნული საკითხით და გაატარონ მნიშვნელოვანი ცვილილებები სასამართლო სისტემაში.