თურქეთის ჩრდილო-დასავლეთში, ედირნეს პროვინციაში, საბერძნეთის საზღვრის სიახლოვეს, ავტოსაგზაო შემთხვევის შედეგად 10 ადამიანი დაიღუპა და 30 დაშავდა. თურქული მედიის ცნობით, მიკროავტობუსში, რომელიც მაღაზიას შეეჯახა, არალეგალი მიგრანტები იმყოფებოდნენ. დაღუპულთა ვინაობა და წარმომავლობა ჯერჯერობით უცნობია.
თურქეთის მმართველმა პარტიამ სტამბოლის მერის ხელახალი არჩევნები წააგო, იტყობინება BBC უახლეს შედეგებზე დაყრდნობით. ხმების დათვლის პროცესი თითქმის დასრულებულია და მთავარი ოპოზიციური პარტიის კანდიდატმა ეკრემ იმამოღლუმ ამომრჩეელთა 54%-იანი მხარდაჭერა მოიპოვა. მისმა ოპონენტმა, ყოფილმა პრემიერ მინისტრმა ბინალი ილდირიმმა დამარცხება აღიარა, პრეზიდენტმა რეჯეფ თაიფ ერდოღანმა კი გამარჯვებულ კანდიდატს მიულოცა.
ეგვიპტის ყოფილი პრეზიდენტი მუჰამედ მორსი, რომელიც სამხედროებმა 2013 წელს ჩამოაგდეს, სასამართლო დარბაზში გულის წასვლის შემდეგ გარდაიცვალა, იტყობინება BBC სახელმწიფო ტელევიზიაზე დაყრდნობით.
ისრაელის პრემიერ მინისტრის, ბენიამინ ნეთანიაჰუს ცოლმა აღიარა, რომ ბოროტად გამოიყენა სახელმწიფო თანხები და ახლა 15,000 აშშ დოლარი უნდა გადაიხადოს, იტყობინება BBC. სარა ნეთანიაჰუს ბრალი დასდეს 99,300 აშშ დოლარის რეზიდენციის გარეთ საკვების მომსახურებისთვის დახარჯვაში. იგი თავს იმით იმართლებდა, რომ პრემიერ მინისტრის რეზიდენციაში მზარეულები არ იყვნენ ხელმისაწვდომი, რაც ტყუილი აღმოჩნდა.
შეერთებული შტატების სამხედრო ძალებმა ვიდეო გამოაქვეყნეს, რომელიც მათი თქმით, აჩვენებს თუ როგორ აცლიან აუფეთქებელ ნაღმს ირანის რევოლუციის მცველები ომანის ყურეში თავდასხმის შედეგად დაზიანებული სანავთობო ტანკერიდან. აშშ-ის ოფიციალურმა პირებმა ასევე გააზიარეს იაპონური ტანკერი, სადაც აუფეთქებელი ნაღმი ჩანს, ვიდრე ის მოშორებულია ტანკერიდან.
ამერიკის შეერთებული შტატების სახელმწიფო მდივანმა მაიკ პომპეომ ირანს ბრალი დასდო ომანის ყურეში ორ სანავთობო ტანკერზე „უმიზეზო თავდასხმებში“. მან აღნიშნა, რომ ამერიკამ თავისი შეფასება თავდასხმისას გამოყენებული იარაღის ტიპის შესახებ ინფორმაციაზე დაფუძნებით გააკეთა.
თეირანსა და ვაშინგტონს შორის დაძაბული ურთიერთობებისა და ამ უკანასკნელის მხრიდან ირანისადმი დამატებითი მკაცრი ეკონომიკური სანქციების დაწესების ფონზე ამერიკის შეერთებული შტატების ერთ-ერთი მთავარი მოკავშირის, იაპონიის ლიდერი შინძო აბე ოფიციალურ ვიზიტად თეირანში ჩავიდა და როგორც ირანის პრეზიდენტმა ჰასან რუჰანიმ მასთან შეხვედრის შემდეგ განაცხადა, იაპონიას სურს შეინარჩუნოს ირანული ნავთობის ყიდვა, თუმცა თავად აბეს არ უხსენებია ირანული ნავთობის ახლახან შეჩერებული შესყიდვები და ამ საკითხის ნაცვლად აქცენტი იმაზე გააკეთა, რომ თავიდან უნდა იქნეს აცილებული კონფლიქტი რეგიონში.
ირანმა ამერიკის შეერთებული შტატების სანქციებს „ეკონომიკური ომი“ უწოდა და განაცხადა, რომ იგი არ აწარმოებს მოლაპარაკებებს შეერთებულ შტატებთან მანამ, სანამ სანქციები არ მოიხსნება. ოფიციალური თეირანის განცხადებას წინ უძღოდა ვაშინგტონის შეთავაზება, რომ იგი ირანთან მოლაპარაკებებს გამართავდა წინაპირობების გარეშე, თუკი თეირანი თავის ქცევას შეცვლიდა.
ისრაელის კანონმდებლებმა პარლამენტის დაშლას დაუჭირეს მხარი მას შემდეგ, რაც პრემიერ მინისტრმა ბენიამინ ნეთანიაჰუმ გასულ თვეს ჩატარებული საპარლამენტო არჩევნების შემდეგ ვერ შეძლო ახალი მემარჯვენე ფრთის კოალიციური მთავრობის ფორმირების შესახებ შეთანხმების მიღწევა.
ირანი 2015 წელს დადებული საერთაშორისო ბირთვული შეთანხმების მთავარი ვალდებულებებიდან გამოვიდა მას შემდეგ, რაც ერთი წლის წინ აღნიშნული შეთანხმება ამერიკის შეერთებულმა შტატებმა დატოვა. პრეზიდენტმა ჰასან რუჰანიმ განაცხადა, რომ თეირანი შეინარჩუნებს გამდიდრებული ურანის მარაგებს ქვეყანაში და არ გაყიდის მას საზღვარგარეთ. იგი ასევე დაიმუქრა, რომ 60 დღეში უფრო გამდიდრებული ურანის პროდუქციის წარმოებას განაახლებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.