ამერიკის შეერთებული შტატების პრეზიდენტის, დონალდ ტრამპის სიძეს და ახლო მრჩეველს, ჯერედ კუშნერს, სულ მცირე სამი, მანამდე გაუმჟღავნებელი კონტაქტი ჰქონდა რუსეთის საგანგებო და სრულუფლებიან ელჩთან აშშ-ში სერგეი კისლიაკთან, როგორც 2016 წლის საპრეზიდენტო კამპანიის, ისე მის შემდგომ პერიოდში. აღნიშნულის შესახებ ახალი ამბების სააგენტო „როიტერსს“ შეერთებული შტატების შვიდმა ამჟამინდელმა და ყოფილმა ოფიციალურმა პირმა უთხრა.
სულ მცირე 15 ავღანელი ჯარისკაცია მოკლული და ხუთ სხვას ჭრილობები აქვს მიღებული ყანდაღარის პროვინციაში თალიბანის მიერ განხორციელებული თავდასხმის შედეგად. ინფორმაციას BBC ავრცელებს.
საქართველოს დამოუკიდებლობის დღე თავისუფლების მოედანზე საზეიმო ღონისძიებებით აღინიშნება. ოფიციალური ცერემონია ფიცის დადებით დაიწყო. საწყისი საბრძოლო მომზადების ცენტრის სავალდებულო სამსახურის 300-ზე მეტმა სამხედრო მოსამსახურემ ღვთისა და ერის წინაშე სამხედრო ფიცი დადო.
სულ მცირე 23 ადამიანია მოკლული და 25-ს ჭრილობები აქვს მიყენებული მას შემდეგ რაც შეიარაღებულმა მამაკაცებმა ავტობუსს, რომელსაც ცენტრალურ ეგვიპტეში კოპტი ქრისტიანები გადაჰყავდა, ცეცხლი გაუხსნეს. ინფორმაციას BBC ეგვიპტის სახელმწიფო მედიაზე დაყრდნობით ავრცელებს.
შეერთებული შტატების პრეზიდენტი დონალდ ტრამპი ხუთშაბათს, ბრიუსელში, NATO-ს წევრი სახელმწიფოების უმრავლესობის მიმართ მძლავრი კრიტიკით გამოვიდა, ბრალი დასდო რა მათ, რომ თავიანთი ქვეყნების თავდაცვისთვის საკმარის თანხებს არ იხდიან და გამაფრთხილებლად განაცხადა უფრო მეტი თავდასხმების - ისეთის, როგორიც მიმდინარე კვირას მანჩესტერში მოხდა - შესახებ, თუკი ალიანსი უფრო მეტს არ გააკეთებს ისლამისტ მებრძოლთა შესაჩერებლად.
სამშობლოს დაცვა რჩეულთა ხვედრია, რომელსაც სხვისი სიცოცხლის გადასარჩენად და ქვეყნის ღირსების დასაცავად, თავგანწირვის ღვთიური ძალა გააჩნია, აღნიშნული განცხადება საქართველოს თავდაცვის მინისტრმა, ლევან იზორიამ თავისუფლების მოედანზე საქართველოს დამოუკიდებლობის დღისადმი მიძღვნილ ღონისძიებაზე გააკეთა.
საქართველოს დამოუკიდებლობის დღის აღნიშვნა თავდაცვის მინისტრმა საერთაშორისო მისიებში მყოფი ქართველი მშვიდობისმყოფელებისთვის მილოცვით დაიწყო.
პრეზიდენტ დონალდ ტრამპის სიძე, ჯერედ კუშნერი, თეთრი სახლის მთავარი მრჩეველი, რუსეთის საკითხზე მიმდინარე ძიებასთან დაკავშირებით, ფედერალური საგამოძიებო ბიუროს (FBI) გულდასმითი განხილვის ქვეშ იმყოფება. ინფორმაციას ამის შესახებ The Washington Post -ი და NBC ავრცელებს.
ბრიუსელში, NATO-ს ახალი შტაბ-ბინის გახსნის ცერემონიაზე ამერიკის შეერთებული შტატების პრეზიდენტმა, დონალდ ტრამპმა ხელის უხეში კვრით გვერდზე გაწია მონტენეგროს პრემიერ მინისტრი და მოწინავე პოზიციაზე დადგა. ამით კი მან NATO-ს წევრი ქვეყნების ლიდერებს აგრძნობინა, რომ სწორედ ამერიკის შეერთებული შტატებია მთავარი ძალა ჩრდილო ატლანტიკურ ალიანსში.
საბერძნეთის ყოფილმა პრემიერ მინისტრმა ლუკას პაპადემოსმა ათენში, მისი ავტომანქანის შიგნით მომხდარი აფეთქების შედეგად დაზიანება მიიღო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.