დონალდ ტრამპმა განაცხადა, რომ შეერთებულმა შტატებმა „დიდად უნდა გააძლიეროს და განავრცოს“ თავისი ბირთვული იარაღი.
არჩეულმა პრეზიდენტმა, რომელიც 20 იანვარს შევა თეთრ სახლში აღნიშნული განცხადება "თვითერის" მეშვეობით რამდენიმე საათში გააკეთა მას მერე, რაც ვლადიმერ პუტინმა თქვა, რომ რუსეთმა უნდა გააძლიეროს თავისი ბირთვული პოტენციალი.
ამერიკის შეიარაღების კონტროლის ასოციაციის თანახმად, შეერთებულ შტატებს 7 100 ბირთვული იარაღი აქვს, რუსეთს კი 7 300.
თავისი წინასაარჩევნო კამპანიის დროს ტრამპმა ღიად დატოვა შესაძლებლობა რომ იაპონიამ -ერთადერთმა ქვეყანამ, რომელიც ბირთვული დაბომბვის მსხვერპლი გახდა - შესაძლოა შეიძინოს ბირთვული იარაღი.
ტრამპმა ბირთვული იარაღის შეძენის შესაძლებლოა სამხრეთ კორეისთვისაც დაუშვა. მან თქვა, რომ იაპონიას და სამხრეთ კორეას შეერთებული შტატების დახმარების გარეშე უნდა შეეძლოს ჩრდილო კორეისაგან თავის დაცვა.
იაპონიის საგარეო საქმეთა მინისტრმა ფუმიო კიშიდამ ტრამპის პრეზიდენტად არჩევის შემდეგ კიდევ ერთხელ გაიმეორა იაპონიის დიდი ხნის პოზიცია, რომ მას არ გააჩნია გეგმები შეიძინოს ბირთვული იარაღი.
„მე არ მჯერა, რომ იაპონია ბირთვულ იარაღს შეიძენს. ეს პრინციპი არ შეიცვლება“, თქვა კიშიდამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.