რომის პაპი შეერთებულ შტატებსა და ჩრდილოეთ კორეას შორის ფხენიანის ბირთვული და სარაკეტო პროგრამების გამო არსებული დაძაბულობის შესანელებლად საერთაშორისო შუამავლობის საჭიროების მოწოდებას აკეთებს.

პონტიფიკოსი აცხადებს, რომ ნორვეგია, მაგალითად, „ყოველთვის მზად არის დასახმარებლად“.

როგორც BBC იუწყება, პაპმა ფრანცისკემ გამაფრთხილებელი განცხადება გააკეთა, რომ კრიზისი გამანადგურებელი ომის რისკის შემცველია, რომელშიც „კაცობრიობის დიდი ნაწილი“ მოისპობა.

პაპის კომენტარამდე რამდენიმე საათით ადრე, ნიუ იორკში ჩრდილოეთ კორეის საკითხზე გაერო-ს უშიშროების საბჭოს სხდომის მიმდინარეობისას, ფხენიანმა ბალისტიკური რაკეტის მორიგი გამოცდა მოაწყო, რომელიც შეერთებული შტატების და სამხრეთ კორეის თქმით, წარუმატებელი აღმოჩნდა და რაკეტა გაშვებიდან რამდენიმე წუთში ნამსხვრევებად იქცა.