შეერთებული შტატების პრეზიდენტმა, დონალდ ტრამპმა პარასკევს განაცხადა, რომ იგი მხარს უჭერს NATO -ს იმ მუხლის მოთხოვნას, რომელიც ალიანსის ყველა წევრს ურთიერთდაცვის ვალდებულებას აკისრებს. მან აღნიშნული განცხადება მას შემდეგ რამდენიმე კვირაში გააკეთა რაც ბრიუსელში მოკავშირეებთან ხელახლა არ გამოხატა აშშ-ის ამ მუხლისადმი მხარდაჭერაზე თანხმობა.

რუმინეთის პრეზიდენტ კლაუს იოჰანისთან ერთობლივ პრესკონფერენციაზე ტრამპმა განაცხადა, რომ იგი მხარს უჭერს NATO-ს მე-5 მუხლს, რომელიც ალიანსის თითოეულ წევრს ავალდებულებს ერთმანეთის დაცვას, თუ ისინი თავდასხმის ობიექტები გახდებიან.

როგორც „როიტერსი“ წერს, გასულ თვეს ბრიუსელში NATO-ს შტაბბინაში ვიზიტისას ტრამპმა მრავლისმეტყველად არ ახსენა აშშ-ის მხარდაჭერა NATO-ს მუხლის გადამწყვეტ ნაწილზე. მან თავის სიტყვაში ყურადღება გაამახვილა იმაზე, რომ NATO-ს წევრმა სახელმწიფოებმა ალიანსის თავდაცვისთვის უფრო მეტი თანხები უნდა გაიღონ და ფაქტობრივად, დატუქსა ჩრდილოატლანტიკური ალიანსის ლიდერები.

„მე ვადასტურებ შეერთებული შტატების ერთგულებას მე-5 მუხლისადმი და უდავოა, ჩვენ ვართ იქ, რომ დავიცვათ და ეს არის ერთ-ერთი მიზეზთაგანი, რომ მე მსურს ხალხი დავარწმუნო, რომ ჩვენ გვყავს ძალიან, ძალიან ძლიერი ძალა იმ თანხის გადახდით, რომელიც საჭიროა რომ ამ ძალას ჰქონდეს“, განაცხადა ტრამპმა და დაამატა: „მაგრამ დიახ, აბსოლუტურად , მე ერთგული ვიქნები მე-5 მუხლის“.