არეულობების ფონზე ჩატარებული კატალონიის რეფერენდუმის შემდეგ, ესპანური რეგიონის ლიდერმა კარლეს პუჩდემონმა განაცხადა, რომ კატალონიამ მოიპოვა უფლება გააჩნდეს სახელმწიფოებრიობა.
მან თქვა, რომ გაიღო კარი ცალმხრივი დამოუკიდებლობის გამოცხადებისა.
როგორც BBC იუწყება, კატალონიის ოფიციალურმა პირებმა მოგვიანებით განაცხადეს, რომ კენჭისყრაში მონაწილეთაგან 90%-მა ხმა დამოუკიდებლობას მისცა. საარჩევნო უბნებზე ამომრჩეველთა 42.3% გამოცხადდა.
ესპანეთის საკონსტიტიტუციო სასამართლომ რეფერენდუმი არაკონსტიტუციურად გამოაცხადა.
კვირას ჩატარებულ რეფერენდუმს არეულობები და პოლიციასთან შეხლა-შემოხლა ახლდა თან, რა დროსაც 700-ზე მეტმა ადამიანმა მიიღო დაზიანებები.
„ამ იმედის და ტანჯვა-წამების დღეს, კატალონიის მოქალაქეებმა მოიპოვეს დამოუკიდებელი, რესპუბლიკის ფორმის სახელმწიფოს უფლება“, განაცხადა პუჩდემონმა სატელევიზიო მიმართვისას. ამ დროს მის გვერდით კატალონიის სხვა მაღალი რანგის ლიდერები იდგნენ.
„ჩემი მთავრობა მომდევნო რამდენიმე დღეში გადააგზავნის დღევანდელი კენჭისყრის შედეგებს კატალონიის პარლამენტში, სადაც ჩვენი ხალხის სუვერენიტეტი ძევს, ამგვარად მას შეეძლება იმოქმედოს რეფერენდუმის კანონის თანახმად“, დაამატა მან.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.