ამერიკის შეერთებული შტატების პრეზიდენტმა, დონალდ ტრამპმა განაცხადა, რომ თუკი მისი დაგეგმილი მოლაპარაკებები ჩრდილოეთ კორეის ლიდერთან, კიმ ჩენ ინთან ნაყოფიერი არ იქნება, იგი „დატოვებს“ მას.
ერთობლივ პრესკონფერენციაზე, მან და იაპონიის პრემიერ მინისტრმა, შინძო აბემ, რომელიც ფლორიდაში, პრეზიდენტის მარ-ა-ლაგოს კურორტზე იმყოფება, განაცხადეს, რომ ჩრდილოეთ კორეაზე, მისი ბირთვული განიარაღების მიმართულებით, მაქსიმალური ზეწოლა უნდა შენარჩუნდეს.
უფრო ადრე კი ტრამპმა დაადასტურა ამერიკული მედიით გავრცელებული ინფორმაცია იმის შესახებ, რომ ცენტრალური სადაზვერვო სააგენტოს დირექტორი მაიკ პომპეო საიდუმლო ვიზიტად იმყოფებოდა ფხენიანში, სადაც კიმ ჩენ ინს შეხვდა.
პრეზიდენტმა თქვა, რომ პომპეომ „კარგი ურთიერთობები“ გამოჭედა კიმთან - რომელსაც გასულ წელს ტრამპი „პატარა რაკეტის კაცს“ უწოდებდა - და შეხვედრა „ძალზე ხავერდოვნად“ წარიმართა.
2000 წლის შემდეგ ეს იყო აშშ-სა და ჩრდილოეთ კორეას შორის პირველი უმაღლესი დონის შეხვედრა.
ტრამპისა და კიმ ჩენ ინის შეხვედრა კი მაისში იგეგმება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.