„ქართულმა ოცნებამ“ მიიღო გადაწყვეტილება, რომ მას საპრეზიდენტო არჩევნებში საკუთარი კანდიდატი არ ეყოლება და შესაძლოა დამოუკიდებელ კანდიდატს დაუჭიროს მხარი. პარლამენტის ვიცე სპიკერი გიორგი ვოლსკი ამბობს, რომ „ქართული ოცნება“ გაითვალისწინებს დამოუკიდებელი კანდიდატების დამოკიდებულებას სხვადასხვა საკითხების მიმართ და შემდეგ გადაწყვეტს ვის დაუჭიროს მხარი. პარლამენტის ვიცე სპიკერს მოსწონს სალომე ზურაბიშვილის კანდიდატურა, რადგან მისი თქმით, ზურაბიშვილს აქვს თავისი ჩამოყალიბებული პრინციპები.
„ჩვენ რომ ვამბობთ, რომ დამოუკიდებელს ვუჭერთ მხარს, ეს მხოლოდ ერთი ნიშანი არის დამოუკიდებელი, მეორე არის დამოკიდებულება თვითონ საკითხისადმი, ქვეყნისადმი, კონსტიტუციისადმი არის მნიშვნელოვანი საკითხები, რაც უნდა გაითვალისწინოს ჩვენმა პოლიტიკურმა გუნდმა, იქამდე სანამ გადაწყვეტილებას მიიღებს, ამ საკითხთან დაკავშირებით. თვითონ სალომე ზურაბიშვილის კანდიდატურა მე პირადად მომწონს, იმდენად რამდენადაც, არაფრის დამთმობი არ არის არავისთვის. გინდ დაუჭიროს მხარი „ქართულმა ოცნებამ“ გინდ არა, ეს არის ადამიანი, რომელსაც აქვს თავისი პრინციპები ჩამოყალიბებული“, განაცხადა გიორგი ვოლსკიმ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.