მმართველი გუნდის წევრებმა ათონელის ქუჩაზე ორბელიანის სასახლეზე მიმდინარე სამუშაოები მოინახულეს. მმართველი გუნდის წევრების მოსაზრება, რომ პრეზიდენტი ავლაბრის კი არა, ორბელიანის სასახლეში უნდა იყოს, სალომე ზურაბიშვილის განცხადებას ემთხვევა, თუმცა „ქართული ოცნების“ წევრები ჯერ კიდევ არ აკონკრეტებენ, დაუჭერენ თუ არა მხარს სალომე ზურაბიშვილს. თბილისის მერის, კახა კალაძის განცხადებით, კანდიდატი, რომელსაც „ქართული ოცნება“ დაუჭერს მხარს, არ უნდა წარმოადგენდეს, რომელიმე პარტიის ინტერესებს.
„თავის დროზე მე მგონია, რომ ეს ზუსტად მაგის გამო გაკეთდა და ვფიქრობ, რომ იმ შინაარსით როგორც არის დღეს პრეზიდენტი წარმოდგენილი, ჩვენ გვაქვს საპარლამენტო რესპუბლიკა, პრეზიდენტს აღარ აქვს ის უფლებამოსილებები, რაც 2012 წლამდე იყო და შესაბამისად არც იმხელა სახლი სჭირდება, რომ მაგალითად ავლაბრის სასახლეში იყოს განთავსებული, შესაბამისად ეს არის საუკეთესო შენობა-ნაგებობა და ადგილიც რეაბილიტაციის შემდეგ მე მგონია თბილისში იქნება ერთ-ერთი საუკეთესო ყველანაირი შინაარსით.
ჩვენ გავაკეთებთ განცხადებას, ჯერ დრო არის ვუყურებთ კამპანიას ზოგადად, ჯერ აქტიურ ფაზაში არ არის შესული, ვნახოთ შეიძლება კიდევ სხვა ბევრი დამოუკიდებელი კანდიდატი დარეგისტრირდეს, ჩვენთვის მთავარი არის ის რომ კანდიდატი იყოს დამოუკიდებელი და არ განეკუთნებოდეს კონკრეტულ პოლიტიკურ პარტიას“, განაცხადა კახა კალაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.