საქართველოს მერვე მოწვევის პარლამენტის დეპუტატი, „ერთიანი ნაციონალური მოძრაობის“ პარტიულის სიით, პეტრე მამრაძე 2018 წლის საპრეზიდენტო არჩევნებზე მხარს რეჟისორ გიორგი შენგელაიას უჭერს. მამრაძე ტელეკომპანია „იბერიას“ გადაცემაში „თავისუფალი სივრცე“ აცხადებს, რომ  თბილისის ომი დაიწყო ზვიად გამსახურდიამ და საქართველოს პირველი პრეზიდენტი იყო ერთადერთი პოსტსაბჭოთა სივრცეში ვინც რუსი ჩეკისტების ბრძანება შეასრულა. ამავე გადაცემაში ყოფილი დეპუტატი ეთანხმება გიორგი შენგელაიას იმაში, რომ ზვიად გამსახურდია იყო მკვლელი.

„მე ვეთანხმები ნებისმიერ ადამიანს, ვინც ობიექტურად შეაფასებს იმ უმძიმეს პერიოდს, რაც შეფასდა, როგორც საქართველოში ისე საქართველოს მეგობრების მიერ დასავლეთში. ჩვენ გვახსოვს რაც ხდებოდა. პუტჩი და თბილისის ომი დაიწყო პირადად გამსახურდიამ. გამსახურდიამ, ერთადერთმა მთელ საბჭოთა სივრცეში შეასრულა რუსი ჩეკისტების ბრძანება აგვისტოს თვეში 1992 წელს, თქვენ ეს არ გემახსოვრებათ, 19 აგვიტოს გამოსცა ბრძანება, დაშალა ქართული გვარდია, რის გამოც გვარდია გავიდა თბილისიდან და დაბანაკდა კასპში“, განაცხადა პეტრე მამრაძემ.