ჩრდილოეთ კორეის ლიდერი რუსეთის პრეზიდენტს შეხვდა. კიმ ჩენ ინისა და ვლადიმერ პუტინის შეხვედრა ვლადივოსტოკში შედგა.
ეს ორი ქვეყნის პირველი პირების პირველი შეხვედრაა.
კრემლის განცხადებით, ორი ქვეყნის ლიდერმა შეხვედრაზე მთავარ თემად კორეის ნახევარკუნძულის ბირთვული განიარაღების საკითხი განიხილა.
ჩრდილოეთ კორეის ბირთვული განიარაღების საკითხზე კიმ ჩენ ინსა და ამერიკის შეერთებულ შტატების პრეზიდენტს შორისაც გაიმართა შეხვედრა. ჩრდილო კორეის ლიდერი და დონალდ ტრამპი ერთმანეთს ვიეტნამის დედაქალაქ ჰანოიში, მიმდინარე წლის თებერვლის თვეში შეხვდნენ, თუმცა, სამიტი წარუმატებლად დასრულდა.
უფრო ადრე, გასული წლის ივნისში კი, ტრამპისა და ინის ისტორიული შეხვედრა სინგაპურის კუნძულ სანტოსაზე შედგა.
ჩრდილოეთ კორეის ლიდერი რუსეთს გუშინ ეწვია. მისმა ჯავშანმატარებელმა ჩინეთი-რუსეთის საზღვარი გამთენიისას გადაკვეთა.
კიმ ჩენ ინს თან რამდენიმე მაღალჩინოსანი ახლავს, მათ შორის კორეის არმიის გენერალური შტაბისა და საგარეო უწყების ხელმძღვანელები.
ჩრდილოეთ კორეის ლიდერის ჩასვლამდე ვლადივოსტოკში ფხენიანიდან ორი თვითმფრინავი ჩაფრინდა, სადაც ჩრდილოეთ კორეის ლიდერის უსაფრთხოების სამსახურის წარმომადგენლები იმყოფებოდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.