GUARDIAN.GE - უკრაინის ოთხ ოკუპირებულ ტერიტორიაზე ე.წ. რეფერენდუმებში, რომლითაც უნდა გადაწყდეს მათი რუსეთთან მიერთების საკითხი, დღეს ხმის მიცემის ბოლო დღეა. რუსეთის სახელმწიფო მედიამ ამ ე.წ. რეფერენდუმების წინასწარი შედეგები გამოაცხადა. როგორც BBC იტყობინება, ხმების დაახლოებით 1/5-ის დათვლის შემდეგ, აბსოლუტური უმრავლესობა რუსეთთან შეერთების მომხრეა:
97% ხერსონის რეგიონში
98% ზაპოროჟიეში
98% „დონეცკის სახალხო რესპუბლიკაში“
98% „ლუგანსკის სახალხო რესპუბლიკაში“.
ანექსირებულ ტერიტორიებზე კენჭისყრის ბოლო დღეს, ვლადიმერ პუტინმა განაცხადა, რომ რუსეთს სურს „ადამიანების გადარჩენა“ უკრაინის ოთხ ოკუპირებულ ტერიტორიაზე. უკრაინამ და დასავლურმა ქვეყნებმა პროცესს სიცრუე უწოდეს და განაცხადეს, რომ შედეგები უკვე გადაწყვეტილი იყო.
„ადამიანების გადარჩენა იმ ტერიტორიებზე, სადაც ეს რეფერენდუმი ტარდება... მთელი ჩვენი საზოგადოების და მთელი ქვეყნის ყურადღების ცენტრშია“, - განაცხადა პუტინმა ოფიციალურ პირებთან სატელევიზიო შეხვედრის დროს.
დიდი ბრიტანეთის თავდაცვის სამინისტროს განცხადებით, ვლადიმერ პუტინმა უკრაინის ოკუპირებული რეგიონების ანექსია შესაძლოა პარასკევს, რუსეთის პარლამენტში გამოსვლისას გამოაცხადოს. რუსეთმა პირობა დადო, რომ ნებისმიერ ანექსირებულ მიწას სრულ მფარველობას გაუწევს, რომელიც შეიძლება მოიცავდეს ბირთვულ არსენალსაც.
გაერომ განაცხადა, რომ „ღრმად შეშფოთებულია“ რუსეთიდან მიღებული ცნობებით იმის შესახებ, რომ თითქმის 2400 მომიტინგე დააკავეს მას შემდეგ, რაც პუტინმა გასულ კვირას ომისთვის ჯარების ნაწილობრივ მობილიზების შესახებ გასცა ბრძანება.
იმავდროულად, შვედეთის საზღვაო ორგანოს განცხადებით, შვედეთისა და დანიის წყლებში „ჩრდილოეთის ნაკადი 1“ მილსადენზე ორი გაჟონვა იქნა ნაპოვნი - ერთი დღის შემდეგ, რაც მსგავსი გაჟონვა აღმოაჩინეს შვილობილი კომპანიის მილსადენზე.
პოლონეთის პრემიერ-მინისტრმა გაჟონვას დივერსიული აქტი უწოდა, მაშინ როცა კრემლმა ადრე განაცხადა, რომ არ გამორიცხავდა საბოტაჟს მიზეზად, ზარალი კი შეაფასა, როგორც „უპრეცედენტო“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.