2 ოქტომბერს „ქართული ოცნება“ მარცხდება ქართველი ხალხის მიერ, მომავალ წელს ინიშნება ახალი საპარლამენტო არჩევნები და ჩვენ სხვა ოპოზიციურ პარტიებთან ერთად, ვიქნებით ხელისუფლებაში, კოალიციურ მმართველობაში, - განაცხადა „ერთიანი ნაციონალური მოძრაობის“ თავმჯდომარემ ნიკანორ მელიამ.
უნივერსიტეტის ქუჩისა და ბაგების დასახლების დამაკავშირებელი ხიდის მშენებლობა იწყება. პროექტის პრეზენტაცია დღეს დედაქალაქის მერმა კახა კალაძემ გამართა, რომელმაც საზოგადოებას სრული ინფორმაცია მიაწოდა როგორც ხიდის მშენებლობის ასევე, მიმდებარე ტერიტორიების ინფრასტრუქტურული განვითარების თაობაზე.
პარტია „საქართველოსთვის“ თავმჯდომარემ, გიორგი გახარიამ ტელეკომპანია „პირველის“ ეთერში „ქართული ოცნების“ ხელმძღვანელ პირებზე განაცხადა, რომ მათ მიერ გაჟღერებული და თან რეაგირების გარეშე დატოვებული ბრალდებები მოწმობს, რომ მათ ან სახელმწიფო ინსტიტუტები საერთოდ არ ესმით, ან „ფეხებზე ჰკიდიათ“, რადგან კორუფციული შემოსავლების შენარჩუნების ინტერესს უფრო მაღლა აყენებენ.
პრემიერ-მინისტრი აზერბაიჯანის პრეზიდენტ ილჰამ ალიევს შეხვდება როგორც პირისპირ, ისე გაფართოებულ ფორმატში, ვიზიტის ფარგლებში გაიმართება საქართველო-აზერბაიჯანის მთავრობათაშორისი ეკონომიკური კომისიის სხდომა- განაცხადა ვიცე-პრემიერმა, საგარეო საქმეთა მინისტრმა დავით ზალკალიანმა პრემიერ-მინისტრ ირაკლი ღარიბაშვილის აზერბაიჯანში ვიზიტის შესახებ საუბრისას.
საქართველოს თავდაცვის ძალების სპეციალური ოპერაციების ძალების ქვედანაყოფის პირადი შემადგენლობა საპარაშუტო მომზადების პროგრამას გადის, რომელიც წყალზე დესანტირებას ითვალისწინებს. თავდაცვის მინისტრმა ჯუანშერ ბურჭულაძემ სამხედროების საბრძოლო სულისკვეთების ამაღლების მიზნით, წვრთნების ფარგლებში, სამხედროებთან ერთად, ჰაერიდან წყალზე თავისუფალი ვარდნის პარაშუტით ხტომაში მიიღო მონაწილეობა.
ინტენსიური ტესტირების ფარგლებში, ბოლო 24 საათში საქართველოში - ოკუპირებული ტერიტორიების გამოკლებით - ჩატარდა 32 522 კვლევა ტესტით, მათ შორის 18 251 კვლევა ანტიგენის ტესტით და 14 271 PCR ტესტით.
სააკაშვილმა ფული არ მისცა თავის გუნდს და პრაქტიკულად უფულოდ ჩაატარებინა მთელი საარჩევნო კამპანია, სწორედ ამ მიზნით თქვა, რომ ჩამოვა, - ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა.
ამ 25, თუ 27%-დან, რომელიც მათ აქვთ მყარად, რეალურად მათი ამომრჩეველი, მიშისტი, სექტის წევრი, თუ ასე შეიძლება ითქვას, არის მაქსიმუმ 7-10%, დანარჩენი არის უბრალოდ განაწყენებული, გაღიზიანებული ადამიანი, პროტესტული ამომრჩეველი, რომელიც უბრალოდ რაღაცას ითხოვს და თავად არ იცის რას ითხოვს, უბრალოდ არ მოსწონს ხელისუფლება და აპროტესტებს მუდმივად რაღაცას და ვიღაცას, მმართველს, ან მმართველ პარტიას აპროტესტებს, - ამის შესახებ საქართველოს პრემიერ-მინისტრმა ირაკლი ღარიბაშვილმა ნაციონალურ მოძრაობაზე საუბრისას განაცხადა.
მელია რომ შეიჭრას ბანკის შენობაში და სცადოს სეიფის გაღება. სეიფს დიდი ალბათობით ვერ გააღებს - ამ შემთხვევაში არ უნდა იქნას მელია დასჯილი და მიცემული პასუხისგებაში? რა თქმა უნდა კი, იმიტომ, რომ მას მცდელობა აქვს და ქმედებას ახორციელებს. ნებისმიერი დამწყები იურისტი ამას აგიხსნით. ნებისმიერი დამწყები პროკურორის თანაშემწე ამას ახსნის, რომ ეს უკვე კვალიფიცირებულია, როგორც დანაშაული, - ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა.
უზარმაზარი ფასი გადაიხადა „ქართულმა ოცნებამ“ გიორგი გახარიას მინისტრობის დროს, პრემიერ-მინისტრობის დროს და ბოლოს, როგორც დაასრულა, კი ნახეთ, კრიზისის დროს პირდაპირ ლახვარი ჩაარტყა მთელს გუნდს და მის ამ ქმედებას, პარტიის დამფუძნებელმა უწოდა ღალატი, იმიტომ, რომ ამას სხვა რა უნდა უწოდო, თუ არა ღალატი, - ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.