ხელისუფლებამ ორჯერ გამოისვა ყელში დანა: ჯერ გავრილოვის პარლამენტის სპიკერის სავარძელში ჩასმით, მერე იმით, თუ როგორ დაშალა საპროტესტო აქცია“, აცხადებს პოლიტოლოგი, ილიას უნივერსიტეტის პროფესორი გია ნოდია და დასძენს, რომ ამის მიუხედავად ხელისუფლებას აქციის დაშლის საფუძველი ჰქონდა და ნიკა მელიას მოწოდება პარლამენტში შეჭრისკენ იყო სრულიად უპასუხისმგებლო და მას გამართლება არა აქვს.
ოპოზიცია, რომელიც პარლამენტის შენობის წინ შეკრებას დღეს საღამოს 7 საათისთვის ისევ აპირებს, ქვეყანაში შექმნილი პოლიტიკური დაძაბულობის განსამუხტად კვლავაც დაჟინებით მოითხოვს პარლამენტის თავმჯდომარის, ირაკლი კობახიძის და შინაგან საქმეთა მინისტრის, გიორგი გახარიას თანამდებობებიდან გადადგომას და პროპორციული სისტემით ვადამდელი საპარლამენტო არჩევნების ჩატარებას.
„არ გავექცევით პასუხისმგებლობას და პასუხს მოვთხოვთ ჩვენი გუნდის იმ წევრებს, რომელთა მძიმე შეცდომებმაც შექმნეს ეს კრიზისული ვითარება. მათ მოუწევთ პასუხის გაცემა გუნდის და საზოგადოების წინაშე“, განაცხადა მამუკა ბახტაძემ „ქართული ოცნების“ ოფისში, რომლის თქმითაც მომხდარი პოლიტიკურ და სამართლებრივ შეფასებას მოითხოვს.
„ქვეყნისა და საზოგადოების გახლეჩა და შიდა დაპირისპირება სხვას არავის უწყობს ხელს, თუ არა რუსეთს და დღესაც მისი ყველაზე კარგად გამოცდილი იარაღია“, ასე ეხმაურება პარლამენტის შენობასთან გამართულ აქციას საქართველოს პრეზიდენტი სალომე ზურაბიშვილი და დასძენს, რომ „დროა, სახელმწიფომ რეაგირება მოახდინოს ყველა დარღვევაზე, წესრიგი დაამყაროს და საშუალება არ მისცეს დესტრუქციულ ძალებს, მოსკოვის გეგმები გაატარონ“.
„პარლამენტში განვითარებულმა ცნობილმა მოვლენებმა საზოგადოებაში სამართლიანი პროტესტი გამოიწვია, რადგანაც ყველას აწუხებს ჩვენი ტერიტორიების ოკუპაციის თემა“, ამის შესახებ აღნიშნულია საქართველოს საპატრიარქოს მიერ გავრცელებულ განცხადებაში.
შინაგან საქმეთა სამინისტროს სპეცდანიშნულების რაზმმა პარლამენტის შენობის მიმდებარე ტერიტორია, რუსთაველის გამზირი აქციის მონაწილეებისგან გაათავისუფლა. მათ უკან სახანძრო მანქანები მოჰყვებიან და წყლის ჭავლს უშვებენ.
„როგორც საზოგადოებამ იხილა, პარლამენტის წინ შეკრებილი აქციის მონაწილეთა პროტესტი გასცდა გამოხატვის თავისუფლების და მშვიდობიანი შეკრების კანონით დადგენილ ფარგლებს და მიიღო ძალადობრივი ხასიათი“, - ამის შესახებ განცხადებას შსს ავრცელებს.
საქართველოს ჯანდაცვის სამინისტროს ინფორმაციით, თბილისში, რუსთაველის გამზირზე მიმდინარე მოვლენების შედეგად აქციის 14 მონაწილე და 38 სამართალდამცველი დაშავდა.
„ერთიანი ნაციონალური მოძრაობის“ ლიდერმა გრიგოლ ვაშაძემ „რუსთავი 2“-ის პირდაპირ ეთერში, რუსთაველის გამზირზე განაცხადა, რომ ოპოზიციის გეგმა არის დროებითი ეროვნული ხსნის მთავრობის ჩამოყალიბება და პროპორციული წესით საპარლამენტო არჩევნების ჩატარება.
პარლამენტის შენობასთან მიმდინარე აქციასთან დაკავშირებით განცხადებას ავრცელებს ამერიკის შეერთებული შტატების საელჩო საქართველოში და მოუწოდებს „ყველა მხარეს, შეინარჩუნონ სიმშვიდე, გამოიჩინონ თავშეკავება და მუდმივად იმოქმედონ კონსტიტუციის ფარგლებში“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.