დაუნინგ სტრიტმა განაცხადა, რომ ამერიკის შეერთებული შტატების პრეზიდენტის, დონალდ ტრამპის დიდ ბრიტანეთში სახელმწიფო ვიზიტთან დაკავშირებით „ცვლილებები არ არის“.
გერმანიის კანცლერმა ანგელა მერკელმა მექსიკაში ვიზიტისას, შაბათს, განაცხადა, რომ კედლების აღმართვა იმიგრაციის მიერ შექმნილ პრობლემებს ვერ გადაწყვეტს, რითაც მან შეერთებული შტატების პრეზიდენტის, დონალდ ტრამპის უმთავრეს იდეას, აშშ-მექსიკის საზღვარზე კედლის აშენების თაობაზე - რაც ტრამპის აზრით, მექსიკიდან ამერიკაში იმიგრანტების, ნარკოდილერების და სხვა კრიმინალების უკანონო შესვლას ალაგმავს - კრიტიკული დარტყმა მიაყენა.
საიფ ალ-ისლამ კადაფი, ლიბიის ყოფილი, აწ გარდაცვლილი ლიდერის, მუამარ კადაფის მეორე ვაჟი, რომელიც მამის შემცვლელად მოიაზრებოდა, ქალაქ ზინტანში 6-წლიანი პატიმრობის შემდეგ, გავრცელებული ცნობით, ამნისტიის საფუძველზე გაათავისუფლეს. ინფორმაციას BBC ავრცელებს.
ბოლო მონაცემებით, დაღუპულია ოთხი ადამიანი მოსკოვის მიმდებარე დასახლებაში, კრატოვოში მომხდარი სროლების შედეგად, განუცხადა „РИА Новости“-ს სამართალდამცველი ორგანოების წარმომადგენელმა.
შეერთებული შტატების პრეზიდენტმა, დონალდ ტრამპმა პარასკევს განაცხადა, რომ იგი მხარს უჭერს NATO -ს იმ მუხლის მოთხოვნას, რომელიც ალიანსის ყველა წევრს ურთიერთდაცვის ვალდებულებას აკისრებს. მან აღნიშნული განცხადება მას შემდეგ რამდენიმე კვირაში გააკეთა რაც ბრიუსელში მოკავშირეებთან ხელახლა არ გამოხატა აშშ-ის ამ მუხლისადმი მხარდაჭერაზე თანხმობა.
სამი ისლამისტი, რომლებმაც ლონდონის ხიდზე ფეხით მოსიარულეებს ფურგონი დაატაკეს და შემდეგ ახლომდებარე ბარებსა და რესტორნებში მოქეიფეებს ცივი იარაღით დაესხნენ თავს, თავდაპირველად ცდილობდა 7.5-ტონიანი სატვირთო ავტომანქანის დაქირავებას, განაცხადა პარასკევს დიდი ბრიტანეთის დედაქალაქის კონტრ-ტერორიზმის განყოფილების ხელმძღვანელმა. მაგრამ თავდამსხმელებმა ვერ წარმოადგინეს გადახდის დეტალები, რის გამოც მათ სატვირთო ავტომანქანის გამოყვანა ვერ შეძლეს.
საქართველოს შეიარაღებულ ძალებს 132 წვევამდელი შეემატა. პირველი ქვეითი ბრიგადის საშტაბო ასეულის სამხედრო მოსამსახურეებმა ფიცი გორის ციხეზე დადეს.
მას შემდეგ რაც ტერეზა მეიმ ხუთშაბათს, 8 ივნისს, გამართულ დიდი ბრიტანეთის რიგგარეშე საპარლამენტო არჩევნებში ვერ შეძლო აბსოლუტური უმრავლესობის მოპოვება, გერმანიის კანცლერმა, ანგელა მერკელმა განაცხადა, რომ იგი ვერ ხედავს ვერავითარ წინააღმდეგობას დაიწყოს მოლაპარაკებები „ბრექსიტთან“ დაკავშირებით მანამდე არსებული გეგმის მიხედვით და დაამატა, რომ ევროკავშირი ამისათვის „მზად არის“.
დიდი ბრიტანეთის საპარლამენტო არჩევნებში „კონსერვატორებმა“ ვერ შეძლეს აბსოლუტური უმრავლესობის მოპოვება, რის გამოც ქვეყანას 2010 წლის მსგავსად კოალიციური მთავრობა ეყოლება. ტერეზა მეიმ განაცხადა, რომ იგი მთავრობას „დემოკრატიული უნიონისტების პარტიის“ მხარდაჭერით ჩამოაყალიბებს, რაც მომავლის „გარკვეულობას“ უზრუნველყოფს.
საქართველოს შეიარაღებული ძალების პირველ ქვეით ბრიგადაში საპილოტე პროგრამის პრეზენტაცია გაიმართა. პრეზენტაციაზე საქართველოს შეიარაღებული ძალების სახმელეთო ჯარების აღმოსავლეთის სარდალმა, პოლკოვნიკმა შავლეგო ტაბატაძემ თავდაცვის მინისტრსა და გენერალური შტაბის უფროსს ცოტა ხნის წინ შედგენილი პროგრამა წარუდგინა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.