რუსეთთან დიპლომატიური ურთიერთობების აღდგენის საკითხი ამ ეტაპზე დღის წესრიგში არ დგას, განაცხადა რუსეთთან ურთიერთობების საკითხებში პრემიერ-მინისტრის სპეციალურმა წარმომადგენლმა ზურაბ აბაშიძემ რუსეთის საგარეო საქმეთა მინისტრის, გრიგორი კარასინის საპასუხოდ.
"იმისათვის, რომ რუსეთთან დიპლომატიური ურთიერთობების აღდგენის საკითხი დადგეს დღის წესრიგში, აუცილებელია აფხაზეთთან და ცხინვალის რეგიონებთან დაკავშირებით მოხდეს ძალიან სერიოზული პროგრესი. მხედველობაში მაქვს კონფლიქტების დარეგულირება. თუკი პროგრესი, სერიოზული წინსვლა მოხდება, მაშინ გარკვეულ ეტაპზე ეს საკითხი განსახილველი იქნება. ამ ეტაპზე რუსეთთან დიპლომატიური ურთიერთობების აღდგენა ჩვენის მხრიდან იმ ე.წ. ახალი რეალობის აღიარება იქნება, რაშიც რუსეთი აფხაზეთის და სამხეთ ოსეთის დამოუკიდებლობას გულისხმობს, ანუ ჩვენ უნდა შევეგუოთ იმას და მსოფლიო თანამეგობრობასაც დავუდასტუროთ, რომ ეს ორი რეგიონი საქართველოს ნაწილი აღარ არის", - განაცხადა ზურაბ აბაშიძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.