რა არის ერექციული დისფუნქციის ზუსტი განსაზღვრება და რა არის ამის ყველაზე გავრცელებული მიზეზები?
ერექციულ დისფუნქციას, რომელიც ასევე ცნობილია, როგორც იმპოტენცია, იმაზე უფრო ფართო განმარტება აქვს, ვიდრე ეს შესაძლოა ზოგიერთ წყვილს ჰქონდეს გაცნობიერებული. ეს რა თქმა უნდა მოიცავს უუნარობას იმისას, რომ ერექცია შეძლო, ასევე იმის უუნარობასაც, განიცადო სექსუალური აქტისთვის საკმარისი ერექცია, ისევე როგორც იმის უუნარობასაც, ამოანთხიო თესლი თანამიმდევრულ საფუძველზე.
მსოფლიოში ერექციული დისფუნქციის პრობლემა 140 მილიონ მამაკაცს, აშშ-ში კი 30 მილიონს აქვს. დაავადების შემთხვევები ასაკის მომატებასთან ერთად იზრდება. არსებობს მსუბუქი, საშუალო და მწვავე დისფუნქცია და მას შესაძლოა გამანადგურებელი გავლენა ჰქონდეს მამაკაცის ინტიმურ ცხოვრებასა და მის თავდაჯერებულობაზე.
მაშინ როცა ერთ დროს ეს მიიჩნეოდა ემოციურ პრობლემად, დღეს ექიმები ერექციულ დისფუნქციას ჯანმრთელობასთან დაკავშირებულ პრობლემად განიხილავენ, რომელსაც დიაბეტი, მაღალი წნევა, თირკმლის უკმარისობა, გულის დაავადება, პროსტატის პრობლემა და დეპრესია განაპირობებს. გარდა ამისა, ალკოჰოლის მოხმარება და ზოგიერთ მამაკაცში სიგარეტის მოწევა ერთ-ერთი მთავარი დამატებითი ფაქტორებია. ქრონიკულ სტრესსაც ასევე გარკვეული უარყოფითი ეფექტის მოხდენა შეუძლია.
ზოგიერთ მამაკაცში ერექციული დისფუნქციას გარკვეული წამლების მოხმარებაც განაპირობებს. ამათგან, ყველაზე გავრცელებული შესაძლოა მაღალი წნევის დასაწევად ან დეპრესიის სამკურნალოდ გამოყენებული წამლები იყოს.
რა განაპირობებს სექსუალურ დისფუნქციას ქალებში?
მამაკაცებისაგან განსხვავებით, რომლებიც გარკვეულ ფსიქოლოგიურ შემთხვევებს საჭიროებენ სექსუალური აქტისათვის, ქალებს ამგვარი შეზღუდვები არ აქვთ. ქალებში დისფუნქციის ყველაზე გავრცელებული მიზეზები დაფუძნებულია სურვილზე, სექსუალურ აღგზნებადობასა ან ზოგჯერ მტკივნეულ სექსუალურ აქტზე. ზოგიერთი ქალი ჩივის, რომ ვერ განიცდის ორგაზმს ანდა თუ განიცდის, ტკივილს გრძნობს.
მაშინ როცა სურვილის განელება შეიძლება ბევრი მიზეზით იყოს გამოწვეული, მათ შორის პარტნიორთან უარყოფითი დამოკიდებულებით თუ სხვა, ცხოვრებისაგან გამოწვეული სტრესებით, ფიზიკური მიზეზი ხშირად ჰორმონების ესტროგენისა და ტესტოსტერონის შემცირებითაა გამოწვეული, რაც მენოპაუზისას, (კლიმაქტერიული პერიოდი) ხდება. ამან შეიძლება არა მხოლოდ ჩააცხროს სურვილი, არამედ შეამციროს ვიგინალური სისველე, რაც უფრო ართულებს სექსუალურ აღგზნებადობას და სექსუალურ აქტს მტკივნეულს ხდის. ამას გარდა, გარკვეულმა ავადმყოფობებმა, ყველაზე უფრო მეტად, ფარისებური ჯირკვლის მოშლილობამ ან დეპრესიამ, შესაძლოა რომ ქალის სურვილების განელებაზე უარყოფითი გავლენა იქონიოს. ორგაზმის ვერგანცდა ძალზე იშვიათადაა გამოწვეული ფიზიკური პრობლემებით. უფრო ხშირად კი ამის მიზეზი ქალის პარტნიორის არასათანადო სტიმულაციაა.
რა საკვები უნდა მივიღოთ ერექციული დისფუნქციის დროს
1. ყურადღება მიაქციეთ რას ჭამთ
ყველაზე რეკომენდირებულია ვიტამინებისა და მინერალების მიღება, რადგან ისინი მამაკაცებში სექსუალურ ფუნქციებს აძლიერებენ. დიეტა უნდა შეიცავდეს რაც შეიძლება ახალ და დაუმუშავებელ საჭმელებს. ასევე მიიღეთ ხილი, ბოსტნეული, მარცვლეული, ხორბლეული, პარკოსანი მცენარეები, ნიგოზი, ბრიუსელის კომბოსტო, ზეთისხილის ზეთი, სოიო და რაც შეიძლება მსუქანი თევზი, როგორიცაა მაგალითად ტუნა, ორაგული, სარდინი და სკუმბრია.
ნიუ იორკის უნივერსიტეტის პროფესორი, უროლოგი ანდრიუ მაკქალე ამბობს: "ყველაფერი რაც კი მავნებელია მამაკაცის გულისათვის, ის ასევე მავნებელია მისი პენისისთვისაც."
კლინიკურმა გამოკვლევებმა აჩვენა, რომ გარკვეული საკვების რეგულარული მიღება მნიშვნელოვნად ამცირებს ერექციული დისფუნქციის, ე.წ. იმპოტენციის სიმპტომებს.
ასე, რომ სექსუალური პოტენციის გაზრდა გარკვეული ტიპის საკვებს შეუძლია. მეცნიერებმა დაასაბუთეს, რომ სათანადო კვება ნამდვილად გაზრდის თქვენს სექსუალურ ენერგიას. საკვები, რომელიც მდიდარია გაუჯერებელი ცხიმით, უპირველესი მისწრებაა გულსისხლძარღვთა სწორი და ჯანსაღი ფუნქციონირებისათვის. ის ასევე აუმჯობესებს სისხლის მიმოქცევას. რაც უფრო მეტი სისხლის ნაკადი მიედინება პენისისკენ, მით უფრო მაგრდება ის.
ნუში სავსეა ნოყიერი შემადგენლობით. იგი მდიდარია არაგაჯერებული ცხიმოვანი მჟავებით, რაც მავნე ქოლესტერინის დონის შემცირებით გულის ჯანმრთელად მუშაობას განაპირობებს. ნუში დიდი რაოდენობით შეიცავს ვიტამინ E -ს, რაც არის ანტიოქსიდანტი (ჟანგვის ინჰიბიტორი, შემაჩერებელი). იგი ასევე საუკეთესო წყაროა მაგნეზიუმის, რაც არსებითი რამაა სხეულში სისხლის მიმოქცევის მოსაწესრიგებლად.
ვაშლი. ანტიოქსიდანტის მაღალი შემცველობა აქვს ასევე ვაშლს, რასაც ქვარციტინს ეძახიან ის ტვინში დოპამინის წარმოშობას განსაზღვრავს . ვაშლი ასევე არტერიის დამაბინძურებული ქოლესტერინის შემამცირებელიცაა.
საზამთრო და პაპაია (ხილის სახელწოდებაა) ერექციული დისფუნქციისას საუკეთესო საშუალებებია. საზამთრო შეიცავს სიტრულინს, რაც სხეულში სისხლძარღვების გაფართოებასა და მოდუნებას იწვევს, რაც ეხმარება სისხლს პენისამდე მივიდეს. განსაკუთრებით დიდი რაოდენობით სიტრულინს შეიცავს საზამთროს კანი, ასე, რომ ჩაყარეთ ის ბლენდერში და მიირთვით მისი წვენი.
პაპაია (ტროპიკული, ოვალური ფორმისა და მოყვითალო ფერის კანიანი ხილი. მის წვენს ტკბილი გემო აქვს) არგინინს, ამინო მჟავას შეიცავს, რაც სისხლის მიმოქცევას ზრდის.
უმი ხამანწკა არის მოლუსკი, რომელიც მდიდარია თუთიით. მისი მიღება ზრდის ტესტოსტერონისა და სპერმის რაოდენობას. ხამანწკები ასევე შეიცავენ დოპამინს, ჰორმონს, რომელიც შესაძლოა სასარგებლო იყოს ერექციული პრობლემებისას, რადგან ის აძლიერებს ლიბიდოს - სექსუალურ ლტოლვას.
ღვიძლი, ზღვის პროდუქტები, ლობიო, ბარდოვანი მცენარეები - ყველანი მდიდარია თუთიით.
ღვინო. მიზანშეწონილია ზომიერი დოზით კარგი ხარისხის ღვინის მიღება, განსაკუთრებით თევზეულობასთან ერთად. ბოლო კვლევებმა მეცნიერულად დაადასტურეს, რომ ერექციულ პრობლემებს იშვიათად აქვს ადგილი ხმელთაშუა ზღვის ქვეყნებში მოწეული საკვების, განსაკუთრებით ბოსტნეულის, მარცვლეულის, ნიგვზის, ზეთისხილისაგან გამოხდილი ზეთის, თევზისა და ღვინის მირთმევის შემთხვევაში.
2. შეინარჩუნეთ იდეალური წონა
სიმსუქნე ჯანმრთელობასთან დაკავშირებულ არაერთ პრობლემას წარმოშობს, მათ შორის დიაბეტს, რომელიც შესაძლოა მთელ სხეულში ნერვების დამზიანებელი აღმოჩნდეს, რაც უარყოფითად იმოქმედებს პენისზეც.
3. შეამცირეთ ან თავი აარიდეთ სასმელს
"ერთ-ერთი პროფესორი, შარლიპი ამბობს: "არ არსებობს იმის დამამტკიცებელი სამხილი, რომ ალკოჰოლი ერექციულ პრობლემებს წარმოშობს." მაგრამ დიდი რაოდენობით ალკოჰოლური სასმელების მიღება აზიანებს ღვიძლსა და ნერვულ სისტემას, რაც ერექციულ დისფუნქციას იწვევს.
4. ივარჯიშეთ რეგულარულად
კვლევა აჩვენებს, რომ ჯანსაღი ცხოვრების წესით ცხოვრება მამაკაცებს ერექციული დისფუნქციისაგან იცავს. სასარგებლოა სირბილი, ცურვა და აერობიკული ვარჯიშების სხვა სახეობანი. მიუხედავად ამისა, გამოიჩინეთ სიფრთხილე ისეთი ვარჯიშების დროს, რაც გაიძულებთ გადაჭარბებული ძალის დატანებას პერინეუმზე, რომელიც სკროტუმსა (პენისთან ახლოს მდებარე ადგილი, რომელიც კვერცხებს შეიცავს) და ანუსს (ყითა ნაწლავი) შორის მდებარეობს. ველოსიპედით გრძელ მანძილებზე რეგულარულმა სიარულმა თუ კი ველოსეპიდიც არასწორად გაქვთ შერჩეული, შეიძლება ეს დისფუნქცია გამოიწვიოს. (განსაკუთრებული ყურადღება მიაქციეთ ველოსიპედის საჯდომს. ის რბილი უნდა იყოს).
5. შეინარჩუნეთ ტესტოსტერონის დონე
ჯანმრთელი მამაკაცების შემთხვევაშიც კი ტესტოსტერონის დონე 50 წელს გადაცილების შემდეგ სწრაფად კლებულობს. 40 წელს გადაცილების შემდეგ მამაკაცებში ტესტოსტერონის ოდენობა ყოველწლიურად დაახლოებით 1.3%-ით მცირდება.
შემოკარით განგაშის ზარები თუ კი შეატყვეთ, რომ გინელდებათ სექსუალური ლტოლვა, თავს უგუნებოდ გრძნობთ, გეცლებათ ენერგია ან გიჭირთ გადაწყვეტილების მიღება იმიტომ, რომ შეგიმცირდათ ტესტოსტერონის დონე.
6. თავი დაანებეთ მოწევას
მოწევამ შეიძლება დააზიანოს გულსისხლძარღვთა სისტემა და შეზღუდოს პენისისთვის სისხლის მიწოდება. ნიკოტინი გულსისხლძარღვებს კუმშავს, რაც ასევე ბლოკავს სისხლის მიმოქცევას პენისისკენ.
7. თავი აარიდეთ რისკიან სექსს
ერექციული დისფუნქციის ზოგიერთი შემთხვევა სექსუალური აქტის დროს პენისის დაზიანებიდან მომდინარეობს. იმისათვის, რომ თავიდან აიცილოთ პენისის დაზიანება, სანამ თქვენი ასო ვაგინაში შეაღწევს, მანამ იმაში დარწმუნდით, არის თუ არა სველი ვაგინა. ასევე იზრუნეთ იმაზეც, რომ თქვენი პენისი ვაგინიდან უკან არ სხლტებოდეს. თუ თქვენი პარტნიორი ისეთ მოძრაობებს აკეთებს, რაც მტკივნეულია პენისისთვის, დაუყოვნებლივ უთხარით რომ გაჩერდეს. თუ აქტი ისეთ პოზაში გაქვთ, როცა "ქალია ზემოდან" მოქცეული და ის აკეთებს მოძრაობებს იმ დროს, როცა პენისი არ არის შესული ვაგინაში, მაშინ ეს "დამატებითი ტვირთი" მტკივნეული იქნება პენისისთვის.
8. გააკონტროლე სტრესი
ფსიქოლოგიური ფაქტორებით გამოწვეული სტრესი ადრენალინის ჰორმონების ზრდას იწვევს, რაც სისხლძარღვების დაავადებას განაპირობებს. ეს კი ერექციისთვის ცუდი რამაა. სტრესიდან თავის აცილება საგრძნობლად დაგეხმარებათ ჯანსაღი სექსუალური ცხოვრების აღდგენაში.
მომზადებულია აშშ-ს პრესის მიხედვით
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.