საპარლამენტო უმრავლესობის წევრი გუგული მაღრაძე და ”ქართული დასის” ლიდერი ჯონდი ბაღათურია ერთმანეთს სიტყვიერად დაუპირისპირდნენ.
მაღრაძესა და ბაღათურიას შორის შეკამათება ერთ-ერთ პრესკლუბში მოხდა, სადაც ბაღათურიამ "ოჯახში ძალადობის აღკვეთის, ოჯახში ძალადობის მსხვერპლთა დაცვისა და დახმარების შესახებ" კანონში შესატან ცვლილებებთან დაკავშირებით პრესკონფერენცია გამართა. მიმდინარე პოლიტიკურ საკითხებთან დაკავშირებით იგივე პრესკლუბში პრესკონფერენცია ჰქონდა გუგული მაღრაძესაც.
”ქართული დასის” ლიდერის განცხადებით, პარლამენტმა გასულ კვირას კანონპროექტი დაჩქარებული წესით ორ კომიტეტში გაიტანა და მხარი დაუჭირა ისე, რომ დეპუტატები მის შინაარს არც კი იცნობდნენ.
”თქვენ წარმოადგენთ იმ გუნდს, რომელიც კანონპროექტებს იღებს ყოველგვარი მოსმენის გარეშე. ბევრმა წერა-კითხვაც არ იცის...სამწუხაროდ, პარლამენტში 80 % ზის ისეთი დეპუტატების, რომელიც კანონს არ კითხულობს”, - მიმართა ბაღათურიანმ მაღრაძეს და უკმაყოფილება გამოთქვა იმის გამო, რომ მომზადებული კანონპროექტი ”მშობლის უფლების ჩამორთმევას ითვალისწინებს”.
”ქართული დასის” ლიდერის ამ განცხადებამ მმართველი გუნდის წარმომადგენლის გაღიზიანება გამოიწვია. გუგული მაღრაძემ ჯონდი ბაღათურია არასწორი ინფორმაციის გავრცელებაში დაადანაშაულა.
”ეს კანონპროექტი არ ითვალისწიბნებს მშობლის უფლების ჩამორთმევას. თქვენ ყველაფერი გინდათ გადაიყვანოთ იმაში, რომ ჩვენ ვმუშაობთ ცუდად. ჩვენ არ ვმუშაობთ ცუდად. ჩვენ ვმუშაობთ ნორმალურად - ყველა ქვეყანაში არსებობს მშობლის უფლების დროებითი შეზღუდვა ბავშვის ინტერესებიდან გამომდინარე”, - აღნიშნა მაღრაძემ.
დეპუტატსა და ”ქართული დასის” ლიდერს შორის შეკამათება რამდენიმე წუთის განმავლობაში გრძელდებოდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.