საქართველოს ყოფილი პრეზიდენტის მიხეილ სააკაშვილის განცხადებით, რეალობაა, რომ რუსეთის პრეზიდენტ ვლადიმერ პუტინს დაშინება უყვარს.
ამის შესახებ მან CNN- თან ინტერვიუში განაცხადა, სადაც საუბრის მთავარი თემა "როგორ გავუმკლავდეთ პუტინს" იყო.
"ვფიქრობ, პუტინს ძალიან ბევრი უნახავს. ის ყოველთვის შედის კონფლიქტში ხან საქართველოსთან, ხან უკრაინასთან. მისი გამოსვლები ხშირად ასევე, აშშ-ს მისამართით გამოთქმულ ბრალდებებსაც შეიცავს, თუმცა მან ვერ მოახერხა ჩემი მთავრობის ჩამოგდება, მიუხედავად იმისა, რომ ქვეყანაში საკმაოდ დიდი ძალებით შემოიჭრა. მას იმ მომენტში, აშშ აღუდგა წინ" - განაცხადა სააკაშვილმა.
მისივე თქმით, 2008 წლის რუსეთ-საქართველოს ომის დროს, პუტინი ამერიკამ შეაჩერა და აუხსნა, რომ ზუსტად ეს იყო ხაზი, სადაც რუსეთი უნდა გაჩერებულიყო.
"ჩვენი მცირე რესურსებითაც შეგვეძლო ეს გაგვეკეთებინა, მაგრამ ამერიკამ პუტინს აუხსნა, რომ ზუსტად ეს იყო ის ხაზი, სადაც რუსეთი უნდა გაჩერებულიყო და პუტინი გაჩერდა იმ ხაზზე, სადაც გააჩერეს" - განმარტა მიხეილ სააკაშვილმა.
ექსპრეზიდენტი მიიჩნევს, რომ თუ რუსეთს იმ მომენტში არ შეაჩერებდნენ, შესაძლოა, მის მიერ გამოწვეული კონფლიქტები ევროპის სხვა ქვეყნებშიც გავრცელებულიყო, ისევე, როგორც მაგალითად, ყირიმის შემთხვევაში მოხდა.
სააკაშვილის თქმით, ყველაზე მნიშვნელოვანია, რომ ევროპულმა ქვეყნებმა რუსეთს სანქციები დაუწესონ, თუნდაც მისგან გაზი არ შეიძინონ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.