თურქეთში გამართულ საპრეზიდენტო არჩევნებში, თურქეთის ცენტრალური საარჩევნო კომისიის მონაცემებით, ქვეყნის მოქმედმა პრემიერ-მინისტრმა, რეჯეპ ტაიპ ერდოღანმა გაიმარჯვა. ამის შესახებ "ბი-ბი-სი" იუწყება. რეჯეპ ტაიპ ერდოღანმა, არჩევნებში მონაწილეთა ხმების 52% მიიღო.
ადგილობრივი მედიის ინფორმაციით კი, ამ დროისთვის ხმების 95%-ია დათვლილი. ოპოზიციის მთავარმა კანდიდატმა ექმელედინ ისხანოღლუმ არჩევნებში მონაწილეთა ხმების 38 % მიიღო, მესამე კანდიდატმა სელიახატინ დემირტაშმა კი, 9,8%.
ერდოღანმა ამომრჩევლებთან შეხვედრისას აღნიშნა, რომ იგი არა მხოლოდ მათი პრეზიდენტი იქნება, ვინც მას ხმა მისცა, არამედ მთელი 77 მილიონიანი თურქეთის.
თურქეთის პრემიერ-მინისტრის პოსტს რეჯეპ ტაიპ ერდოღანი 2003 წლიდან იკავებდა. ქვეყნის კონსტიტუციით, ერდოღანს, თურქეთის პრემიერ-მინისტრად კიდევ ერთი ვადით დარჩენის უფლება არ ჰქონდა.
საპრეზიდენტო არჩევნებამდე რეჯეპ ტაიპ ერდოღანმა პირობა დადო, რომ ცვლილებებს განახორციელბს ქვეყნის კონსტიტუციაში, რათა პრეზიდენტს უფრო მეტი უფლებამოსილება ჰქონდეს. ამასთან, თურქეთი საპარლამენტო რესპუბლიკაა.
"ბიბისის" ცნობით, თურქეთის ახლად არჩეული პრეზიდენტის ინაუგურაცია 28 აგვისტოს გაიმართება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.