უკრაინის სიდიდით მეორე ქალაქ ხარკოვში ნაციონალისტებმა ლენინის ძეგლი კვირას (28 სექტემბერი, 2014) ღამით ჩამოაგდეს. ქალაქის ცენტრში შეკრებილი ხალხი ოვაციებით შეხვდა საბჭოთა ბელადის ძეგლის ჩამოგდებას, რომელსაც ზურგს უმაგრებდა ადგილობრივი ხელისუფლების გადაწყვეტილება.
კვირა საღამოს (28 სექტემბერი, 2014), ლენინის ძეგლთან შეკრებილი უკრაინელი ნაციონალისტების დაჟინებული მოთხოვნის გაჟღერების შემდეგ ცნობილი გახდა, რომ რეგიონის გუბერნატორს იგორ ბალუტას ხელი ჰქონდა მოწერილი ლენინის ძეგლის დემონტაჟის ბრძანებაზე.
უკრაინის შინაგან საქმეთა მინისტრი არსენ ავაკოვი აღნიშნულ ფაქტს გამოეხმაურა. იგი მომხდარში კრიმინალისა და ვანდალიზმის ვერავითარ ნიშნებს ვერ ხედავს, რადგან მისი თქმით, მონუმენტის დემონტაჟს წინ გუბერნატორის ბრძანების გამოცემა უძღოდა.
აღსანიშნავია, რომ დონეცკისა და ლუგანსკისაგან განსხვავებით ხარკოვი გადაურჩა იმ სისხლისღვრასა და მღელვარებას, რასაც აღმოსავლეთ უკრაინაში ბოლო თვეების განმავლობაში ჰქონდა ადგილი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.