ბიუჯეტით გათვალისწინებული 5%-იანი ეკონომიკური ზრდის ნაცვლად, საქართველოს მთავრობა წელს 4%-ზე მაღალ ეკონომიკურ ზრდას ელოდება. ამის შესახებ ფინანსთა მინისტრმა ნოდარ ხადურმა მთავრობის დღევანდელ სხდომაზე განაცხადა. მისი თქმით, "გუშინ დაზუსტდა მიმდინარე წლის ეკონომიკური ზრდის პროგნოზები და უნდა ითქვას, რომ ყველა ჩვენს მეზობელ ქვეყანას ეკონომიკაში სტაგნაცია ექნება".
"სომხეთისა და მოლდოვას ეკონომიკური ზრდის პროგნოზი მიმდინარე წლისთვის 0% დაფიქსირდა. წელს ელოდებიან რუსეთში დაცემას, გასაგები მიზეზების გამო. ბელორუსში იქნება დაახლოებით 0%-იანი ეკონომიკური ზრდა, აზერბაიჯანში - 1,5%. ჩვენ ამ ეტაპისთვის ვფიქრობთ, რომ ეკონომიკური ზრდა მიმდინარე წლისთვის 4%-ზე მაღალი იქნება", - განაცხადა ნოდარ ხადურმა.
მიმდინარე წელს 5%-იანი ეკონიმიკური ზრდა იყო დაგეგმილი. ეროვნული ბანკის პრეზიდენტმა გიორგი ქადაგიძემ კი, მთავრობას მოუწოდა, 5%-იან ეკონომიკური ზრდის პროგნოზს გადახედოს, შემცირების მიმართულებით.
მთავრობის სხდომაზე ხადურმა ლარის კურსთან დაკავშირებითაც გააკეთა განცხადება, მას შემდეგ რაც ამ საკითხით პრემიერ-მინისტრი დაინტერესდა. ღარიბაშვილმა იკითხა, რატომ არ ჩაერია ეროვნული ბანკი ლარის კურსის დასტაბილურებაში, მაშინ როცა ის ამას გეგმავდა, რაზეც ხადურმა უპასუხა, რომ კვირის განმავლობაში ეროვნულ ბანკს არ მოუწია ჯერჯერობით ჩარევა, ვინაიდან ამის საჭიროება აღარ იყო, რადგან კურსის გამყარების ტენდენცია შეიმჩნეოდა.
"როგორც ჩანს და რაზეც გვქონდა საუბარი გასული კვირის განმავლობაში, რომ ეს მაინც აჟიოტაჟი იყო. ეს აჟიოტაჟი ჩაცხრა და საბაზრო მექანიზმები საკმარისია იმისთვის, რომ კურსი იყოს სტაბილური. უნდა გითხრათ, რომ ვაჭრობის შედეგები პრაქტიკულად უცვლელი რჩება სამი დღის განმავლობაში, ჩარევის გარეშე, რაც უკვე საკმაოდ სერიოზულ იმედს ბადებს იმასთან დაკავშირებით, რომ კურსი მეტად არ შეიცვლება", - განაცხადა ნოდარ ხადურმა.
მისივე თქმით, მთავრობამ გაანალიზა ერთი წლის განმავლობაში კურსის ცვალებადობა და უნდა აღინიშნოს, რომ რეგიონში ერთ-ერთი ყველაზე სტაბილური მცურავი კურსის ვალუტა არის ლარი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.