„ის ადამიანები, ვინც ვანო მერაბიშვილის უფლებები შელახეს, უნდა დაისაჯონ“, - განაცხადა საქართველოს პრეზიდენტმა, გიორგი მარგველაშვილმა „რუსთავი 2“-ის გადაცემა „არჩევანში“.
პრეზიდენტი მერაბიშილის საქმესთან დაკავშირებით, გამოძიების დაწყების აუცილებლობაზე საუბრობს. მისი თქმით, „უნდა ჩატარდეს გამოძიება, თუ რა მოხდა მერაბიშვილთან მიმართებაში, თუ როგორ დაირღვა მისი უფლებები. უნდა ჩატარდეს ასევე გამოძიება იმაზე, თუ რატომ არ ჩატარდა აღნიშნულთან დაკავშირებით თავის დროზე გამოძიება“.
„ვანო მერაბიშვილის არის ბრალდებული მძიმე მუხლებით, მაგრამ ნებისმიერ ბრალდებულს გააჩნია თავისი უფლებები და ეს უფლებები ისევე უნდა დაიცვას სახელმწიფომ და განსაკუთრებით იმ შემთხვევაში, როდესაც ადამიანი არის დაპატიმრებული. და უნდა დაიცვას ისე, როგორც იცავს ვთქვათ, ყველაზე კანონმორჩილი ადამიანის უფლებას.
ვანო მერაბიშვილის ბრალეულობა არ მდგომარეობს იმაში, რომ მას ყველა უფლება აქვს წართმეული. მისი სხვა უფლებების შელახვა მიუღებელია. და მოხდა, როგორც ამას სტრასბურგი ამბობს, ამ უფლებების შელახვა - ის ადამიანები, ვინც შელახეს მერაბიშვილის უფლებები და კიდევ ვინც ამის კვალობაზე შელახა საქართველოს ინტერესები და ქართული სახელმწიფო დააყენა სტრასბურგის ასეთი მძიმე გადაწყვეტილების წინაშე, ეს ადამიანები უნდა იქნენ დასჯილი.
მერე ეს ადამიანები, ვინც დაარღვიეს ბრალდებული მერაბიშვილის უფლებები, უნდა იყვნენ შესაბამისად გამოძიებულნი და რაც მათ ეკუთვნით, იმის მიხედვით დასჯილნი. მათ არამარტო მერაბიშვილი დააზიანეს, თუ დააზიანეს და როგორც დააზიანეს, არამედ მათ დააზიანეს ძალიან კონკრეტულად ქართული სახელმწიფოს იმიჯი“, - განაცხადა საქართველოს პრეზიდენტმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.