ვიცე პრემიერი, ენერგეტიკის მინისტრი კახა კალაძე პრეზიდენტს მოუწოდებს, თავი შეიკავოს ჭორაობისგან და პატივი სცეს პრეზიდენტის ინსტიტუტს. კალაძე ამბობს, რომ ის ვერ იხსენებს მარგველაშვილს პრეზიდენტობის დროს გაეკეთებინოს განცხადება "თუნდაც კარალეთში მომხდარი ინციდენტის გამოძიებასთან დაკავშირებით" ან "იმ ზონდერებთან დაკავშირებით, ვინც წლების განმავლობაში გახსოვთ რა დღეში აგდებდა ჩვენს მოსახლეობას".
ამის შესახებ კახა კალაძემ ოზურგეთში ”ქართული ოცნების” გურიის ოლქების დეპუტატობის მაჟორიტარი კანდიდატების წარდგენამდე განაცხადა.
”აშკარად ჩანს, რომ ის ცდილობს სახელმწიფო ინსტიტუტების გარკვეული დისკრედიტაცია განახორციელოს - რაზეც დგას ნებისმიერი დემოკრატიული ქვეყანა, ჩვენი ქვეყანა და სახელმწიფო, ეს ადამიანი ცდილობს თავისი განცხადებებით მისი დისკრედიტაცია მოახდინოს. აშკარად ჩანს, რომ ის ამ განცხადებების გამო დაბნეულია, ალბათ იმის გამო, თუ რა რეაქცია მოჰყვა საზოგადოებაში მის გამოსვლებს. თუმცა ეს არ არის საფუძველი იმისა, რომ მაგალითად კორცხელის ინციდენტი დააკავშიროს პირდაპირ ჩემთან. ეს მე მაფიქრებინებს, რომ გარკვეულწილად შეიძლება ეს აღქმული იყოს ზეწოლად სამართალდამცველების მიმართ”, განაცხადა კალაძემ, რომელიც მიიჩნევს, რომ პრეზიდენტის განცხადებები ”ნაციონალური მოძრაობის” განცხადებებს ემთხვევა.
”ის ყოველთვის საუბრობს, რომ არ არის ”ქართული ოცნების” და არც ”ნაციონალური მოძრაობის” პრეზიდენტი, თუმცა მისი განცხადებები ”ნაციონალური მოძრაობის” ციტირებებია და რაც ის პრეზიდენტია მე არ მახსოვს ყოველ შემთხვევაში, მას გაეკეთებინა განცხადება თუნდაც კარალეთში მომხდარი ინციდენტის გამოძიებასთან დაკავშირებით, თუნდაც გაეკეთებინა განცხადება იმ ზონდერებთან დაკავშირებით, ვინც წლების განმავლობაში გახსოვთ რა დღეში აგდებდა ჩვენს მოსახლეობას და როგორ უსწორდებოდა ქართველ ხალხს. მინდა მას მოვუწოდო, რომ თავი შეიკავოს ჭორაობისგან. ის არის ქვეყნის პრეზიდენტი. მერე რა რომ გარკვეული ადამიანების ხათრით იქნა არჩეული, ის პრეზიდენტია, პატივი სცეს ამ ინსტიტუტს და თავი შეიკავოს ჭორაობისგან”, აცხადებს კახა კალაძე.
პრეზიდენტის აზრით, უნდა გაეცეს პასუხი კითხვას, რა კავშირი აქვს კორცხელის ინციდენტთან „ქართული ოცნების“ საარჩევნო შტაბის უფროსს, კახა კალაძეს. ამის შესახებ საქართველოს პრეზიდენტის პრესსპიკერმა, ეკა მიშველაძემ დღევანდელ ბრიფინგზე განაცხადა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.