"საკმაოდ დამაიმედებელს" უწოდებს ქვეყანაში არსებულ ეკონომიკური მდგომარეობას ეკონომიკისა და მდგრადი განვითარების მინისტრი, ვიცე-პრემიერი გიორგი კვირიკაშვილი. როგორც მან მთავრობის დღევანდელი სხდომის დაწყების წინ ჟურნალისტებს განუცხადა, საქართველოს ექსპორტის მდგომარეობა არ არის სახარბიელო, მაგრამ „სიტუაცია საკმაოდ დამაიმედებელია".
"ჩვენ ეროვნულ ბანკთან გვქონდა იმ ზომების ერთობლივი განხილვა, რაც გასატარებელია იმისთვის, რომ საგადამხდელო ბალანსის დეფიციტი დაბალანსდეს. უპირველეს ყოვლისა ეს არის ტურიზმი, პირდაპირი ინვესტიციები და ექსპორტის წახალისება, თუმცა ჩვენ გვაქვს სხვა ზომებიც, რომელსაც ვახორციელებთ და კონკრეტული პროექტების მიმართულებით ვმუშაობთ კონკრეტულ რეჟიმში. წლის დასაწყისი ნამდვილად რთული პერიოდია და, გამომდინარე საქართველოს გარშემო ქვეყნებში არსებული რთული ვითარებიდან, ჩვენი ექსპორტის მდგომარეობა არ არის სახარბიელო, მაგრამ ვფიქრობ, რომ სიტუაცია საკმაოდ დამაიმედებელია", - განაცხადა გიორგი კვირიკაშვილმა.
ეკონომიკის მინისტრის ინფორმაციით, მთავრობა ინფრასტრუქტურული მიმართულებით, კონკრეტული პროექტების დამატებაზეც მუშაობს.
"ჩვენ ვამატებთ კონკრეტულ პროექტებს ინფრასტრუქტურული მიმართულებით, ასევე პირდაპირი ინვესტიციების მიმართულებით გვაქვს, მთელი რიგი ღონისძიება დაგეგმილი და ვმოქმედებთ შეთანხმებულ რეჟიმში. გამომდინარე აქედან, ჩვენს მიერ გატარებულ ზომებს ექნება კონკრეტული ეფექტები და ეს აუცილებლად მოხდება", - განაცხადა კვირიკაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.