უზომო სიხარულს ვგრძნობ, კარიერაში უმაღლეს მწვერვალს რომ მივაღწიე და ჩემი ქვეყნის და გულშემატკივრის გახარება შევძელი, - განაცხადა მსოფლიოს და ევროპის მოქმედმა ჩემპიონმა, რიოს ოლიმპიური თამაშების ოქროს მედლის მფლობელმა, ვლადიმერ ხინჩეგაშვილმა ფინალური შეხვედრის დასრულების შემდეგ.
„განსაკუთრებულად ბედნიერი და გახარებული ვარ. მსოფლიოსა და ევროპის ჩემპიონატები მაქვს მოგებული, თუმცა მთავარი მიზანი და ოცნება, რა თქმა უნდა ოლიმპიური ჩემპიონობა იყო. 2012 წელს ლონდონის ოლიმპიურ თამაშებზე ვერცხლის პრიზიორი გავხდი, ახლა კი უზომო სიხარულს ვგრძნობ, კარიერაში უმაღლეს მწვერვალს რომ მივაღწიე და ჩემი ქვეყნის და გულშემატკივრის გახარება შევძელი.
ოლიმპიური თამაშებისათვის ყველანაირად კარგად ვიყავი მომზადებული, როგორც ფსიქოლოგიურად, ასევე ფიზიკურად. რიოში ძალიან რთული და დაძაბული შეხვედრები მქონდა, მოწინააღმდეგეებიც ძლიერები იყვნენ, ჩემთვის ასევე არ ყოფილა მოულოდნელობა იაპონელი მოჭიდავის ფინალში გასვლაც, მეტოქე ძალიან კარგ ფორმაში იყო, ვაფასებ მის შემართებას, მაგრამ როგორც ნახეთ ყველას დამარცხება შევძელი და ოლიმპიური ჩემპიონი გავხდი“ - აღნიშნა ხინჩეგაშვილმა.
ხინჩეგაშვილს ოლიმპიური ოქროს მოპოვება საქართველოს პრემიერ მინისტრმა, გიორგი კვირიკაშვილმა ტელეფონით მიულოცა.
საქართველოს ოლიმპიურ დელეგაციას ამ ეტაპისათვის 6 მედალი - 2 ოქრო, 1 ვერცხლი და 3 ბრინჯაო აქვს მოპოვებული. ოლიმპიური ჩემპიონი 16 აგვისტოს ძალოსანი ლაშა ტალახაძე გახდა, ვერცხლი ძიუდოისტ ვარლამ ლიპრატელიანის ანგარიშზეა, 3 ბრინჯაო კი ლაშა შავდათუაშვილმა (ძიუდო), შმაგი ბოლქვაძემ (ბ/რ ჭიდაობა) და ირაკლი თურმანიძემ (ძალოსნობა) მოიპოვეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.