უზბეკეთის პრეზიდენტი ისლამ აბდუგანიევიჩ კარიმოვი რეანიმაციულ განყოფილებაშია გადაყვანილი. აღნიშნულ ინფორმაციას პრეზიდენტის შვილი ლოლა კარიმოვა-ტილიაევა ადასტურებს.
“ტვინში სისხლის ჩაქცევის გამო, ის ჰოსპიტალიზებულია და რეანიმაციულ განყოფილებაში იმყოფება. მისი მდგომარეობა ფასდება, როგორც სტაბილური”, - წერს კარიმოვა “ფეისბუქის” საკუთარ გვერდზე.
BBC-ის ცნობით, უზებეკთის მთავრობამ გაავრცელა განცხადება, რომ 78 წლის ისლამ კარიმოვი სტაციონარულ მკურნალობას გადის და მას სრული სამედიცინო გამოკვლევა სჭირდება.
“სპეციალისტთა აზრით, სრულ სამედიცინო გამოკვლევასა და შემდგომ მკურნალობას გარკვეული დრო დასჭირდება”, - აღნიშნულია მთავრობის განცხადებაში.
უზბეკეთის პრეზიდენტის, 78 წლის ისლამ კარიმოვის ჰოსპიტალიზაციის შესახებ ინფორმაცია 28 აგვისტოს გავრცელდა.
კარიმოვი სახელმწიფო ტელევიზიამ 17 აგვისტოს აჩვენა, როდესაც სამხრეთ კორეის შს მინისტრს შეხვდა. დამოუკიდებლობის დღისადმი მიძღვნილი სადღესასწაულო ზეიმი - რომელსაც პრეზიდენტი ყოველთვის ესწრება - პირველ სექტემბერს უნდა გაიმართოს.
ისლამ კარიმოვი უზბეკეთს 1989 წლიდან მართავს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.