საქართველოში ვიზიტად მყოფი ამერიკელი კონგრესმენები, დანკან ჰანტერი და მარკ სენფორდი საოკუპაციო ხაზთან მდებარე სოფელ ხურვალეთს ეწვივნენ. საგარეო საქმეთა სამინისტროს ცნობით, კონგრესმენები ადგილზე გაეცნენ საოკუპაციო ხაზთან არსებულ ვითარებას, გაესაუბრნენ ადგილობრივ მოსახლეობას და მათგან პირადად მოისმინეს არსებული რთული ჰუმანიტარული და სოციალური მდგომარეობის შესახებ.
აშშ-ის კონგრესმენების განცხადებით, მათთვის მნიშვნელოვანი იყო, პირადად გაცნობოდნენ რუსეთის საოკუპაციო პოლიტიკის შედეგად შექმნილ ვითარებას და იმ ფაქტორებს, რომლებიც გავლენას ახდენენ რეგიონში მცხოვრები მოსახლეობის ყოფაზე.
„ჩვენთვის მნიშვნელოვანია, ვიცოდეთ, თუ როგორ არღვევს რუსეთი საქართველოს სუვერენიტეტს. მსოფლიომ ყურადღება უნდა მიაქციოს ამ საკითხს, რადგან იგივე, შესაძლოა, სხვაგანაც განმეორდეს“,- განაცხადა კონგრესმენმა დანკან ჰანტერმა.
„ყურადსაღებია ის ვითარება, რომელიც აქ დაგვხვდა. ჩვენ ვნახეთ დევნილების საცხოვრებელი ადგილები. გარდა ამისა, ჩვენ გავხდით თვითმხილველები საზღვრის შეცვლის აქტიური პროცესისა, რაც აქ სისტემატიურად ფიქსირდება.“- აღნიშნა კონგრესმენმა მარკ სენფორდმა.
ამერიკელი კონგრესმენები საქართველოს 27-30 აგვისტოს პერიოდში სტუმრობენ. ვიზიტის ფარგლებში კონგრესმენები შეხვედრებს გამართავენ საქართველოს პრემიერ-მინისტრთან, პარლამენტის თავმჯდომარესთან და საგარეო საქმეთა მინისტრთან, ასევე ადგილზე გაეცნობიან საქართვლოში განხორციელებულ რეფორმებსა და წინასაარჩევნო გარემოს. აშშ-ის კონგრესმენებმა უკვე მოინახულეს კრწანისის სასწავლო ცენტრი. მათ კახეთის რეგიონშიც უმასპინძლეს, სადაც საქართველოს კულტურულ და ისტორიულ ღირშესანიშნაობებს გაეცნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.