ე.წ. ისლამური სახელმწიფოს ერთ-ერთი ყველაზე ხანგრძლივად მოსამსახურე და ყველაზე ცნობილი ლიდერი აბუ მუჰამედ ალ-ადნანი სირიაში მოკლეს. ინფორმაციას ამის შესახებ BBC „ისლამურ სახელმწიფოსთან“ ასოცირებულ მედიაზე დაყრდნობით წერს.

ახალი ამბების სააგენტო „ამაყის“ ცნობით, აბუ მუჰამედ ალ-ადნანი ალეპოს პროვინციაში გარდაიცვალა.

პენტაგონმა განაცხადა, რომ ქალაქ ალ ბაბის სიახლოვეს მისი ზუსტი დარტყმებისას ადნანი მათ სამიზნეს წარმაოდგენდა, მაგამ შედეგებს ჯერ კიდევ აფასებენ.

ადნანი ცნობილი იყო დასავლეთზე „მარტოხელა მგლის“ თავდასხმების მოწოდებებით.

„ამაყის“ ინფორმაციით, იგი „მოწამეობრივად აღესრულა მაშინ, როცა ალეპოს წინააღმდეგ სამხედრო კამპანიის მოგერიების ოპერაციას ათვალიერებდა“.

ქალაქ ალეპოში ბრძოლები ბოლო კვირებია რაც გაძლიერდა. ამბოხებულებმა სამთავრობო ძალების ალყა გაარღვიეს და სირიის და რუსეთის სამხედრო თვითმფრინავები მებრძოლების მიერ დაკავებული ადგილების საჰაერო დარტყმებს ახორციელებენ.

პენტაგონის წარმომადგენელმა პიტერ კუკმა განცხადებაში „ისლამური სახელმწიფოს“ დაჯგუფების ალტერნატიული სახელი გამოიყენა და ადნანი აღწერა, როგორც „Isil -ის გარე ოპერაციების მთავარი არქიტექტორი“.

მან „Isil -ის მებრძოლების მოძრაობის კოორდინირება მოახდინა, პირდაპირ აქეზებდა მარტოხელა მგლის თავდასხმებს სამოქალაქო და სამხედრო პირებსა და ახლად გაწვეულ სამხედროებზე“, - განაცხადა კუკმა და დაამატა:

„ჩვენ თავდასხმის შედეგების შეფასებას ვახდენთ ჯერ კიდევ, მაგრამ ალ-ადნანის საბრძოლო ველიდან ჩამოცილება Isil -ზე მნიშვნელოვანი დარტყმის აღმნიშვნელი იქნება“.